Myndlist og álfar í Kjósinni í dag :-)

Seinni dagur sýningarinnar í Eyrarkoti í Kjósinni, 13.00 - 17.00. Það var alveg yndislegt þarna í gær og verður örugglega aftur í dag. Nokkrar svipmyndir frá gærdeginum:

Þarna er ég að ljúka við að setja upp sýninguna. Saumamálverkin mín á borðinu og Litlu álfaspáspilin mín fremst og hvönnunum raðað með.

Lárus var á fullu að klára og standa vaktina. Málverkin eftir Inacio Pacas í bakgrunni.

Það kom fullt fullt af gestum í gær. Mikið var gaman að hitta allt þetta yndislega fólk. Allir í sólskinsskapi enda var veðrið gott og mikið og margt skemmtilegt um að vera á "Kátt í Kjós" í gær. 

Ég að spjalla við einn sýningargestinn yfir saumamálverkunum mínum. 

Jóhanna Harðardóttir las í Litlu álfaspáspilin allan daginn, fyrir tugi manns! og allir voru glaðir og ánægðir með lesturinn. 

Ég kíkti aðeins í spilin líka ;-)

Hér erum við Bergþóra (hún er reyndar alveg falin á bakvið mig ;-) í álfagöngunni. Nýkomin frá Fræðaranum litla og erum á leið að heilsa upp á fleiri verur. 

Vinkonurnar þrjár að ljúka undirbúningi áður en gestirnir komu. 

Jóhanna Harðardóttir Kjalnesingagoði, Bergþóra Andrésdóttir ferðaþjónustubóndi í Eyrarkoti og ég.

Jóhanna sýndi og seldi yndislega útskornar skeiðar, rúnir, leðurhárskraut, bókamerki og fleira ásamt leðurarmböndum með keltnesku mynstri (það þarf ekki að taka það fram að ég algjörlega kolféll fyrir einu slíku ;-).

Litli yndislegi bærinn Eyrarkot í Kjós. Þarna er gisting fyrir 10 manns eins og að vera á heimili hjá englafrænku sinni að gista hjá henni Bergþóru. Borðstofa og dásamlega fallegt eldhús. Svo er salurinn fyrir neðan (sést í hornið á húsinu) sem er leigður út fyrir myndlistasýningar, fundi og námskeið ofl.

 Embla Sól elskar að vera í sveitinni og ég er sannfærð um að blómin voru líka glöð að hafa fallegu litlu sólina mína hjá sér.

Endilega kíkið á okkur í dag. Notalegur og fallegur staður að heimsækja, aðeins innan við 10 mínútur inn Hvalfjörðinn sunnanverðann.

www.ragjo.is

Athugasemdir

[Ásdís Sigurðardóttir, 19.7.2009 kl. 21:51]

Yndislegar myndir, þetta hefur verið gaman og þú svo flott í fallegu peysunni þinni.  Kær kveðja

[Ragnhildur Jónsdóttir, 20.7.2009 kl. 14:06]

Þakka þér fyrir Ásdís, já þetta var yndisleg helgi. Staðurinn dásamlegur, veðrið fullkomið og heill hellingur af yndislega ljúfu og skemmtilegu fólki sem komu við hjá okkur í Eyrarkotinu

[Lallý (IP-tala skráð) 20.7.2009 kl. 16:40]

Hæ hæ  þetta var mjög flott og gaman, sjáumst fljótlega  Lallý....

[Sigrún Þorbjörnsdóttir, 21.7.2009 kl. 11:44]

Frábært að skildi takast svona vel, enda átti ég ekki von á öðru þar sem þú ert annars vegar. Ég vildi að ég hefði áttað mig á því að þið væruð líka þarna á sunnudaginn..  Ég stóð eitthvað föst á því að þetta væri bara á laugardaginn. Við komum í bæinn á sunnudeginum og hefði verið gaman að koma.  Knús á þig Englakona frá okkur stelpunum og Englakisu 

[Ragnhildur Jónsdóttir, 21.7.2009 kl. 13:36]

Þetta var algjörlega dásamleg helgi. Veðrið dekraði við okkur og allan þann fjölda sem kom við í Eyrarkotinu báða dagana.

Lallý takk og knús fyrir komuna, sjáumst endilega fljótlega.

Sigrún, það getur vel verið að það verði eitthvað meira í gangi á næstunni .... Vona að þið hafið haft það rosagott í sveitinni. knús á ykkur Grindjána