Bloggfærslur mánaðarins, mars 2008

Hugleiðing um Lífið

Það er skrítið þetta líf, það hefur upphaf og endi og þó hvorugt. Það fer í hringi en er þó alltaf nýtt. Það er hægt að útskýra lífið með ýmsum skoðunum og kenningum og þó upplifa það engir tveir eins.

Fyrir mér er Lífið eilíft og óendanlegt en ávallt ferskt. Við getum upplifað lífið á stundum sem dimman kaldan þungan vetrardag. En svo vorar og birtir til og Lífið verður skyndilega eins og ferskur vormorgun fullur af von og fegurð. Lífið heldur alltaf áfram, þó að við skynjum það með ýmsu móti. 

Systurnar-kíkja-fram-í-tíma

Við vitum ekki hvað morgundagurinn ber í skauti sér. En það er hægt að horfa fram á við og horfa út og áfram með von í hjarta og jafnvel tilhlökkun. Það er alltaf eitthvað nýtt að sjá og Lífið heldur alltaf áfram, í einhverri mynd. Stundum skýrt og vel sjáanlegt, stundum óskýrt, jafnvel falið en Lífið er hérna og það heldur áfram.

Systurnar-kíkja-2

Hvað ætli þær sjái "systurnar" þegar þær horfa fram á veginn? Ætli þær hugsi eitthvað lengra en Núið? Sjá þær það sama og við? Þær horfa ekki einu sinni í sömu átt, þó þær standi hlið við hlið.

Lífið er undarlegt fyrirbæri og stundum koma dagar þar sem gott er að setjast niður og hugleiða tilgang þess. Hvaðan kom ég? Hvar er ég stödd núna í Lífinu? Hvert er ég að fara? 

Í dag finn ég fyrst og fremst þakklæti til Lífsins. Lífið er gott. Það bíður upp á ýmislegt til að takast á við en þá tekur maður bara á því og heldur áfram.

Sólin kom upp í morgun, fuglarnir sungu og loftið fylltist fegurð. Það er nýr dagur. 

 

 


Takk Pollýanna

 HeartPollýanna mín, takk fyrir 15 yndisleg ár. Heart

Pollýanna-gamla

Nú geturðu hlaupið um græn engi í Paradísinni án veika skrokksins sem var farinn að trufla þig verulega. Við söknum þín mikið en vitum að þú verður með okkur áfram. Minningin um þig mun lifa um ókomin ár.

HeartTakk Pollýanna, takk.Heart


Knús, kisur og fleiri krútt

Sæl og blessuð elsku bloggvinir mínir. Ég vona að þið fyrirgefið mér bloggletina. Það er bara svo margt að gerast í heilabúinu þessa dagana að ég á bara ekki nokkur auka-bæt eftir til að nota í bloggskrif eða lestur Woundering Hvað það er sem er að gerjast í mér.... það segi ég ykkur þegar rétti tíminn er kominn Cool ... mjög spennó ...

Ég var að lesa frétt um tígris-ljónsunga á mbl. Ohhh ég fékk svona netta nostalgíutilfinningu Joyful Við vorum einu sinni með tvo ljónsunga hérna á heimilinu í nokkra mánuði, algjör dásemdardýr. Svona rétt eins og stórir hundar, sem við fórum með í göngur og svona. Algjört æði!!  Í dag er ég með "lítil ljón" kisur, svona mini ljón LoL Þar af einn kettling sem ég ætlaði að vera löngu búin að gefa. Fyrst var það nú þannig að enginn sem kom vildi hann af því hann bara var ekki nógu kelinn. Svo ég tók Magna litla Víking í knúsumeðferð og nú bara stoppar hann ekki knúsið!

Magni-og-Dúfa-600

Bestu vinirnir; Magni og Dúfa. Dúfa er á unglingastiginu og þarf að læra á stöðugt stækkandi skrokk og krafta, Magni Víkingakisi heldur henni við efnið Wink

Magni-og-Albus-600

Svo gefur hann Albusi stóra "bróður" nettan koss á trýnið á leiðinni framhjá. Þeir geta þvílíkt leikið sér saman um allt hús.

Magni-og-Embla-600

Og fær knús og klapp og: "Ææææiii gúttið!" frá aðalprinsessunni. Fær meira að segja stundum snudduna, jafnvel viljandi en oftast þarf hann að stela henni...

Það er soldið erfitt fyrir mig að taka mynd af honum þar sem ég er sjálf að knúsa hann, skiljið þið af því ég þarf tvær hendur í hvorttveggja sko. En hér er hann við kaffibollann minn.

Magni-með-kaffi-600

Hann er BARA flottastur! og svo eftir allt knúsið og hasarinn er gott að fara til mömmu sín..

Magni-kallar-á-mömmu-600

 "Mamma má ég koma og kúra?"

Magni-knúsar-mömmu-600

"Já, Auðvitað!" og besti staðurinn er gamla dúkkuvaggan mín. Joyful

Og svona í lokin, aðalprinsessurnar mínar tvær, rétt áður en þær lögðu í hann til Florida með pabbanum og tengdó.

Mæðgur-600

Með "Litlu fjölskylduna" í burtu yfir Páskana, áttar maður sig á hvað maður er nú dekraður af Lífinu að hafa þessar elskur alltaf hérna á heimilinu. Við "Stóra fjölskyldan" (amman, afinn og stóri frændi sem er að verða 18) erum "Bara" þrjú á heimilinu yfir páskana .... plús hundar og kisur, búálfar og slíkt sem telst aldrei með sko ...

 Hafið það dásamlega gott yfir hátíðarnar elskurnar og munið hvað knúsið og notalegheitin eru dýrmæt. HeartJoyful


Stundum rætast draumar...

 

"If you don´t have a dream, how are you going to make your dream come true?"
 
 
If you don´t have a dream...

 

"Sveltur sitjandi kráka en....

..

... fljúgandi fær." 

 

Nú er það spurningin hvort maður ætlar að sitja eða fljúga.....

 Krian saumuð

Til hvers hefur maður vængi, ef ekki til að fljúga með þeim...? 

Miklar pælingar í gangi þessa dagana...

Sumir draumar eru til þess fallnir að rætast. Spurningin er samt alltaf: Er það þessi draumur sem á að rætast eða næsti?  

 


Undarlegir atburðir á heimilinu...

Það hefur fjölgað verulega í heimili hjá okkur síðastliðin ár. Og meiri og meiri tími hefur farið í þrif. Ég ákvað því að tímí minn væri það mikilvægur til að gera eitthvað skemmtilegt, að við þyrftum aðstoð til að sjá um öll leiðinlegu störfin.

Helgarþrifin 500

Það var ekkert mál, aðstoðarstúlkan verður samt alltaf hálf-sækó þegar hún byrjar...

Helgarþrifin búin 500

Ekki svo að skilja að henni sé þrælað út. Hún fær auðvitað að hvíla sig þegar hún hefur lokið sínu verki.

Til að vera viss um gæði verksins, ákváðum við að prinsessan á heimilinu fengi það starf að fylgjast með að allt væri nú nógu vel gert.

Embla með snudduna 500

Hún tók auðvitað starfinu mjög alvarlega og fylgdist afar vel með...

en greinilega ekki nógu vel því....

Dúfa með snuddu 400

Eitthvað var ekki alveg nógu mikil athygli í gangi... en það komst upp um þennan þjófnað en ekki er öll sagan búin enn, því...

Magni Víkingur með snuddu 600

... þessi sást læðast um undir eldhússkápnum...

Næst verðum við að ráða einkaspæjara...

 


Fegurð Lífsins

Það þarf ekki að fara langt til að finna fiðring í hjartanu yfir fegurð náttúrunnar og Lífsins. Það þarf einungis að opna augun og opna hjartað. Þessar myndir voru teknar út um stofugluggann í gær eins og oft áður.

Gæsir oddaflug nær 3 1500

Hópur gæsa flýgur inn á sjónarsviðið. Hvert eru þær að fara? Hvernig er þeirra sjónarhorn? Ég loka augunum og hugurinn lyftir mér upp og ég flýg með þeim yfir Hellisgerði og miðbæ Hafnarfjarðar, gömlu fallegu húsin og garðana í gamla bænum, við tökum sveig yfir Hamarinn og stefnum á lækinn. Þar sitja fleiri gæsir, endur og nokkrir svanir. Eftir nokkra stund í góðum félagsskap, kveð ég og flýg aftur heim með fallega minningu í hjartanu. 

Bleik ævintýr 600

Bleik himnafegurð sem gefur sálinni frið og fögur fyrirheit.

Innra með mér er sterk tilfinning; þakklæti til Lífsins.


Innskráning

Ath. Vinsamlegast kveikið á Javascript til að hefja innskráningu.

Hafðu samband