Bloggfærslur mánaðarins, maí 2009

Sól og regn, von og Líf

Eftir bjarta sólargleðidaga birtist rigningin með rokið með sér ... aftur. Brosin sem höfðu myndast svo fallega á andlitunum virðast jafnvel láta undan síga. Ég fór út að spjalla við plönturnar og fleiri sem á vegi mínum urðu, vita hvort ég fyndi ekki bros og von, inn á milli fjúkandi laufblaða og regnblautra blóma.

Ég á pínulítinn garðbleðil á móti suðvestri, þar sem ég hef safnað ýmsum runnum og einu tré sem stendur upp úr hinum gróðrinum. Það er hún Stella kirsuberjatré. 

stella-i-bloma-close-up.jpg

Hún lét nú ekki rokið mikið á sig fá, sagðist vera þakklát fyrir sólardaga síðustu viku og nú gæti hún blómstrað og brosað framan í veðrið.

fjallarosin-teygir-sig.jpg

Fjallarósin getur nú teygt sig ansi vel og sýnt blómknúppana sína stolt mót himninum.

solberjablom.jpg

Niðri við moldina sést, þegar betur er að gáð, í sólberjarunnann sem ég stakk niður til geymslu á milli rósanna. Hann er lítið áberandi og hvarflar ekki að honum að teygja sig og reygja eins og hin háu kirsuberjatré og rósarunnar. Niðri við jörðina brosir hann sínum hljóðlátu, lítt áberandi blómum en þau lofa þó berjum þegar líður á sumarið.

Maður skyldi ekki vanmeta hljóðlát bros og von sem lítt er áberandi.

pafaros-og-lisuros.jpg

Hér lifa saman í sátt og samlyndi, páfarós og lísurós. Þær skipta með sér sumrinu til blómgunar svo að báðar fái fulla athygli fyrir brosin sín.

pafaros-me_-knuppa.jpg

Nú fer tími páfarósarinnar að hefjast. Allt fullt af litlum komandi brosum sem munu gleðja alla sem kíkja við. 

 utangar_sblom.jpg

Meira að segja utangarðsblómin blómstra en þau varast að láta heyra í sér. Standa bara þarna steinþegjandi utan við lúna litla garðvegginn og blómstra fyrir sig og þá sem hugsanlega beygja sig niður til að taka eftir þeim, á leiðinni framhjá.

tulipanar.jpg

Túlipanarnir voru ekkert að fela sig og brostu háværum fallegum og stoltum litum framan í þá litlu sólarglætu sem kíkti á okkur. 

vala-og-stella-flottar---du.jpg

Hún Vala mín er ekkert mjög hógvær þegar kemur að brosum. Hún lætur bara vaða og gengur jafnvel framfyrir hið stórbrosandi kirsuberjatré, án þess að hika!

Þau eru ýmis brosin allt um kring. Lífið er alltaf fullt af von og gleði. Stundum skella á okkur gleðistundir með háværum og fallegum gleðiatburðum. En stundum þurfum við að leita aðeins betur, jafnvel undir og niður og á bakvið...

nyr-voxtur-i-be_inu.jpg

En það má alltaf finna von og Líf. Þessi burknabörn rúlla sér upp úr jarðvegi liðins árs og lofa góðu um gróskumikinn vöxt á þessu ári. 

purpurabroddur-og-blomalfar.jpg

Þessi purpurabroddur var einungis lítil döpur 5 cm grein með 3 litlum laufum, þegar við settum hana þarna niður fyrir tveimur árum. Ég fékk meira að segja á mig glott frá þeim sem þóttust nú vita betur en að gefa þessum álkulega sprota séns. En nú vex hann í allar áttir, hraustlegur og glaður og gantast við lágvöxnu blómálfarósina sem ætlar að blómstra seinna í sumar.

gar_amariustakkur.jpg

Grænn er litur heilunar og vaxtar. Notum okkur græna tíma Náttúrunnar og söfnum okkur gleði og Lífi í hjartað. Regnið hreinsar og vindurinn feykir burt því sem ekki er þörf. Áður en við vitum af skín sólin aftur og þá er gott að vera viðbúinn með opið hjarta og gleði í sálu. Þannig vöxum við áfram upp á móti himninum og gefum af okkur bros og gleði á leiðinni. Smile


Hún Stella kirsuberjatré ... ;-)

Sól og hamingja marga daga í röð! Þvílíkt dekur hjá Lífinu Joyful

Og kirsuberjatréð ... já það er orðinn djókur fjölskyldunnar, vina minna og nágranna hversu mikið ég elska og tala um þetta litla tré. Tounge og ég ætla náttla bara að mata þann djók! það er nauðsynlegt að brosa Cool svo hér heldur sagan áfram:

Fyrir helgina meðan enn var "haust" og rok, vann ég í því með sjálfri mér að sætta mig við að litla kirsuberjatréð mitt, hún Stella, ætlaði ekki að blómstra í ár. Hún stóð kröftug og fullt af laufi kíkti á íslenska vorið en það sáust engir knúppar.

kirsuberjatre-5_-mai-09-nal.jpg

En svo um helgina, þessa dásamlegu Eurovisionsigurgóðviðrissólarhelgi, tók ég eftir knúppum á Stellu!!! 

stella-a_-morgni-18_-mai.jpg

Svona leit þessi grein út í morgun 18. maí.    Svo fór ég í bíltúr ...

stella-seinnipartinn-18_mai.jpg

... og Stella brosti SVONA mikið þegar ég kom til baka um miðjan dag Smile

fyrstu-blom-stellu.jpg

Þegar við fjölskyldan vorum að borða kvöldmatinn úti í litla garðinum, þá brosti hún Stella alveg útí bæði Joyful ... og þetta er bara byrjunin.

Hún Stella mín er náttúrulega alveg yndisleg að blómstra svona fyrir mig einmitt þetta vor.  Og knúpparnir eru í hundraða tali! þannig að sagan er ekkert búin sko Wink

a_alblomi.jpg

 En aðalblómið í mínum litla garði er elsku ömmuhjartkrúttið hún Embla mín SólHeart Þarna stendur hún fyrir framan Stellu að syngja fyrir okkur InLove


Dásamlegur dagur í sveitaheimsókn; lömb, kindur, naut og hestar :-)

Við amman og afinn fengum Emblukrúttið okkar lánaða í dag og fórum með hana í sveitaferð. Við heimsóttum Bergþóru vinkonu og Sigurbjörn á Kiðafelli í Kjós og fengum að kíkja í fjárhúsið.

i-fanginu-a-afa.jpg

Emblu Sól fannst hún öruggari í fanginu á afa svona til að byrja með ...

storu-holdanautin-eru-sko-s.jpg

... enda voru holdanautin stór og myndarleg. 

a_-spjalla-vi_-hestana.jpg

En aðeins nokkrum mínútum seinna var kjarkurinn algerlega kominn og hún ljómaði litla stúlkan og skoðaði vel "hárið á hestinum" Joyful

amman-alveg-i-nostalgiukast.jpg

... amman ljómaði kannski ekkert mikið minna Wink

ljuflingurinn-hun-laufa.jpg

Ljúflingurinn hún Laufa heilsaði vel og hlýlega upp á okkur.

embla_-begga-og-lambi.jpg

Bergþóra sýndi Emblu litla nýfædda lambið og útskýrði ýmislegt fróðlegt fyrir borgarbarninu. Enda hafði Embla mikið að segja á leiðinni heim og þegar heim var komið Joyful

upprennandi-bondi_845065.jpg

Mér sýnist vera kominn upprennandi bóndi í familíuna. Það þætti henni ömmu hennar ekki leiðinlegtInLove

gle_in-i-svipnum.jpg

Eftir notaleg knús og klapp, fróðleik og skemmtilegheit í fjárhúsinu var okkur boðið heim í kaffi, spjall og heimabakaðar kræsingar. Embla Sól og Sigurbjörn "litli" Hrafn léku sér saman að dótinu hans og landnámshænurnar vöppuðu í kringum húsið og vöktu heilmikla lukku líka.  Smile

Þetta var yndislegur dagur. Kærar þakkir elsku Begga, þetta var alveg ógleymanlegt ævintýri að fá að kíkja í "alvöru hús". Ómetanlegt fyrir litla borgarbarnið og algjört nostalgíukast fyrir ömmuna Tounge

Knús og kveðjur og hjartans þakkir Heart

 


Lífið í vorinu

Dásemdar fegurðurdagur í dag. Sólin skín og tré og runnar brosa, fuglarnir syngja hljóðlega af hreiðrum sínum og náttúrverurnar vinna sín vorverk glaðar, raulandi hálfum hljóðum. Himininn svo fallega bjartur og loftið svo tært eftir veður undangenginna daga.

kirsuberjatre-5_-mai-09.jpg

Litla kirsuberjatréð mitt heldur mér í vonarspennu, skyldi það blómstra í ár eða eru þetta eingöngu lauf? Sideways

kirsuberjatre-5_-mai-09-nal.jpg

Hvort heldur sem er þá er mikill lífskraftur að verki í litla trénu mínu. Fagrir trjáálfar dansa og flögra, vinna og gleðjast yfir góðum vexti heimilis síns og lífgjafa. Ein könguló á heima í þessu tré, ég fylgist með henni vaxa, hún ætlar að sjá um óæskilega óværu sem hugsanlega hefur boðað komu sína. Samvinna, það er það sem verkar best Joyful

reynirinn-5_-mai-09.jpg

Það er hins vegar aldrei launungamál að stóri reynirinn minn blómstrar á bakvið hús. Þetta dásamlega fallega gamla tré stendur alltaf fyrir sínu, hver árstíð með sitt hlutverk og sína fegurð.

En það er fleira sem fylgir vorinu. Hún Vala mín .... hún er eitthvað orðin hrifin af "Blörraða gaurnum" aftur...

vala-bi_ur-blorra.jpg

Hér situr hún og hlustar, sá blörraði er hérna fyrir neðan svalirnar og "syngur" og annar stór, loðinn svartur og hvítur bíður við hornið. Já það eru tónleikar í lagi í hverfinu þessa dagana Wink

gly_ran-vala.jpg

Já Vala mín fagra litla glyðra, það verður fjör á heimilinu aftur og nýbúið ... Whistling


Flott myndlistar- og hönnunarsýning hjá FG

Við fórum á frábæra útskriftarsýningu listnema í Fjölbrautarskóla Garðabæjar. Sýningin stendur yfir frá föstudegi 1. maí til sunnudags 3. maí í Hönnunarsafninu við Garðatorg í Garðabæ.

 essin-tvo-vi_-verki_-sitt.jpg

Dóttir mín hún Sirrý Margrét og Smári kærasti hennar sýndu þessi verk: Sýnishorn af fullorðins teiknimyndasögu sem er í smíðum (á veggnum) og barnasaga á lokastigum vinnslu, í bók.

litla-fjolskyldan-vi_-bokin.jpg

Sirrý og Smári með Emblu Sól dóttur sína. Embla elskar þessa ævintýrasögu um Ask og prinsessuna sem vonandi verður gefin út í sumar eða haustJoyful

frabaer-syning_840748.jpg

Þessi sýning er mjög fjölbreytt og alveg frábær! Mikið eigum við af hæfileikaríku ungu fólki í dag sem vonandi fær að njóta sín og við að njóta hæfileika þeirra í framtíðinni.

stefan-kennari-ofl.jpg

Þarna sést í kennarann Stefán Jónsson, hann á hrós skilið fyrir greinilega góða kennslu með opnum huga og leyfir hverjum og einum að þróa sína leið.

sirry-margret-happy_840752.jpg

Gleðin var allsráðandi eins og sést hér á andliti Sirrý Margrétar Heart

Endilega skellið ykkur á sýninguna um helgina, opin 14 - 18. Gengið inn ofanvert við Garðatorg eða upp hringstigann frá torginu.


Innskráning

Ath. Vinsamlegast kveikið á Javascript til að hefja innskráningu.

Hafðu samband