Jólagleði og gaman

Jæja, þá er smá pása á fjölskylduogmatarpartýunum Svo höldum við áfram á Gamlárs og Nýárs Æ en þetta er svo yndislegur tími. Fjölskyldurnar hittast og spjalla, borða, spila og gleðjast saman. Alveg hreint dásamlegt!

Að fá að upplifa jólin með öllum sínum undrum og stórmerkjum í gegnum tveggja ára gleðikút er náttúrulega algjör forréttindi Embla Sól hjálpaði Lalla afa og Ástráði frænda, ásamt fleiri hjálpar-"höndum"... að skreyta jólatréð.

Maður þarf nú að vanda sig vel.

Og svo þarf náttúrulega að gefa knús inn á milli

Og æfa sig að halda á litlu krúttunum

Og kenna þeim jólalögin voða varlega (með súkkulaði langt út á kinn....

Rétt fyrir jólin fengum við góða heimsókn. Hann Guðni bloggvinur minn kom að heimsækja litlu kisuna sína sem hann er búinn að velja sér.

 Bangsi litli og Guðni voru eins og sálufélagar þeir ná greinilega vel saman.

 

 Algjört öryggi, úr þessu fangi er sko hægt að skoða heiminn öruggur.

 Og sofna öruggur, ég held þeir geti varla beðið eftir að hittast aftur. Bangsi verður tilbúinn að flytja að heiman um miðjan janúar og þá.... loksins geta þeir verið alltaf saman sálufélagarnir

Ég á enn nokkra kettlinga sem ekki er búið að lofa. Þeir verða tilbúnir frá miðjum janúar að flytja á góð heimili (hringið bara í mig eða sendið mail, sjá uppl. undir "höfundur")

Njótum samverustundanna sem okkur eru gefnar. Þær eru svo dýrmætar og gefa okkur öryggi, gleði og frið inn í nýtt líf á nýju ári. 

Knús og friður til ykkar allra

Athugasemdir

[Ásdís Sigurðardóttir, 29.12.2008 kl. 15:11]

Þetta eru dásamlegar myndir, hafðu það sem allra best kæra vinkona og megi nýja árið færa ykkur hamingju og gleði.

[Ragnhildur Jónsdóttir, 29.12.2008 kl. 15:21]

Þakka þér fyrir elsku Ásdís mín. Kærleikur, hamingja og góð heilsa til þín og þinna

[gudni.is, 29.12.2008 kl. 21:39]

Hæ hæ. Æðislega er nú gaman að skoða þessa færslu hjá þér. Ooo hvað hann Bangsi er nú krúttlegur og yndislegur þarna í fanginu á mér. Ég var alveg himinlifandi yfir því hvað honum leið greinilega vel hjá mér. Það var bara eins og hann væri kominn í fangið á mömmu sinni . Hlakka alveg óskaplega til að fá þennan litla og yndislega kút inn á mitt heimili.

[Sigrún Þorbjörnsdóttir, 29.12.2008 kl. 22:02]

Það er yndislegt að upplifa jólin með smáfólkinu. Og undirbúningurinn er ekki síðri  Það er gaman að því hvað þeir "sálufélagarnir" smella vel saman. Trúðu mér, Bangsi á eftir að verða svakalega ofdekraður kisi  

[Bullukolla, 30.12.2008 kl. 05:15]

Yndislegt.  Það fer alltaf um mig sæluhrollur að skoða dýramyndirnar þínar ( þótt kútar og Guðni séu auðvitað sæt líka )  Bara klikkar ekki ;)