Geislar sólar dansa á öldum hafsins

Við bæjarbörnin skruppum í sveitasæluna í dag. Þvílík dásemd að hafa tækifæri til að komast út fyrir bæjarmörkin og hreinsa hugann og sálina. Maður er svo endurnærður innan og utan eftir svona dag í góðra vina hópi í Paradís

 

Bæjarbarnið mitt sem er sveitahundur í sálinni naut sín til hin ítrasta það sama var hægt að segja um eigendurna í lopapeysunum, þarna er maður í tengslum við Lífið.

 

 

Í augnablikinu hanga þung ský yfir en þó er bjart og sólargeislarnir ná niður fyrir skýin og dansa fagurlega á öldum hafsins.

Dílaskarfur teygir sig og reygir á fjarlægu skeri á meðan hrafninn...

 

 

... hinn óforbetranlegi ærslabelgur, varð að stríða hundunum aðeins um leið og hann minnti okkur mannfólkið á hina eilífu hringrás Lífsins...

 

 

Það flæðir að og það fjarar út

 

og Lífið heldur áfram

Athugasemdir

[Sigrún Þorbjörnsdóttir, 10.11.2008 kl. 01:45]

Þú ert snillingur í að gera neikvæða og erfiða hluti jákvæða. Alveg dásamleg upplyfting að lesa orðin þín  Það ætti að "nýta" ykkur listamennina betur í samfélaginu. Þið hafið svo frjóa hugsun og kunnið að koma orðunum/hlutunum frá ykkur á svo mannlegan og skemmtilegan hátt, og þar ert þú sko engin undantekning. Bestu kveðjur til ykkar frá Grindjánunum

[Ásthildur Cesil Þórðardóttir, 10.11.2008 kl. 10:56]

Yndislegar myndir Ragnhildur mín, ég er sammála Sigrúnu, þegar að kreppir þá eru það einmitt þeir listfengu sem bjarga sálartetrinu. 

[Greta Björg Úlfsdóttir, 10.11.2008 kl. 13:49]

Yndislegar myndir.

[Brynja skordal, 11.11.2008 kl. 01:38]

Alltaf gott og nauðsynlegt að leika sér úti í náttúrunni flottar myndir hafðu það ljúft Elskuleg

[Bullukolla, 11.11.2008 kl. 16:16]

yndislegt