Líf eftir kosningar?

Já, ég held það nú! Íslandshreyfinging  - Lifandi land, rétt að byrja. Ég hlakka mikið til framhaldsins, það er svo margt skemmtilegt og ekki síður mikilvægt framundan hjá okkur. Bíðiði bara ....!

Á þessum árstíma er svo yndislegt að velta sér uppúr fegurð vorsins. Náttúran er að taka við sér eftir hvíld vetrarins, þar sem kröftum var safnað fyrir næstu baráttu lífsins. Og nú skal vaxa sem aldrei fyrr! 

  Í garðinum mínum sjást litlu lyklarnir mínir vaxa og dafna. Bráðum sleppa þeir úr pottinum og fá sitt pláss í garðinum með hinum plöntunum.

Reynitréð er byrjað að sýna blómin sín, sem eiga þó eftir að springa út. En blómin eru þarna inni þó þau sjáist ekki ennþá.

 

 Ég fór út á Álftanes að heilsa upp á margæsirnar. Þær hvíla sig, stilla saman strengi, æfa vængjaslögin og svo....

Taka þær flugið saman og skilja varginn eftir í drullunni.

Svona er nú náttúran yndisleg á vorin.

 

Athugasemdir

[Sigurður Hrellir, 16.5.2007 kl. 17:36]

Sæl Ragnhildur og takk fyrir síðast. Já, það er svo sannarlega líf eftir kosningar, meira líf en fyrr. Allt í einu tekur maður eftir því hvað vorið er búið að breyta öllu og lífið vaknað allt í kring. Ég vona að þú sért hress og njótir vorsins.

Bestu kv. - Siggi.