Hún Stella kirsuberjatré ... ;-)

Sól og hamingja marga daga í röð! Þvílíkt dekur hjá Lífinu

Og kirsuberjatréð ... já það er orðinn djókur fjölskyldunnar, vina minna og nágranna hversu mikið ég elska og tala um þetta litla tré. og ég ætla náttla bara að mata þann djók! það er nauðsynlegt að brosa svo hér heldur sagan áfram:

Fyrir helgina meðan enn var "haust" og rok, vann ég í því með sjálfri mér að sætta mig við að litla kirsuberjatréð mitt, hún Stella, ætlaði ekki að blómstra í ár. Hún stóð kröftug og fullt af laufi kíkti á íslenska vorið en það sáust engir knúppar.

En svo um helgina, þessa dásamlegu Eurovisionsigurgóðviðrissólarhelgi, tók ég eftir knúppum á Stellu!!! 

Svona leit þessi grein út í morgun 18. maí.    Svo fór ég í bíltúr ...

... og Stella brosti SVONA mikið þegar ég kom til baka um miðjan dag

Þegar við fjölskyldan vorum að borða kvöldmatinn úti í litla garðinum, þá brosti hún Stella alveg útí bæði ... og þetta er bara byrjunin.

Hún Stella mín er náttúrulega alveg yndisleg að blómstra svona fyrir mig einmitt þetta vor.  Og knúpparnir eru í hundraða tali! þannig að sagan er ekkert búin sko

 En aðalblómið í mínum litla garði er elsku ömmuhjartkrúttið hún Embla mín Sól Þarna stendur hún fyrir framan Stellu að syngja fyrir okkur

Athugasemdir

[Sigrún Þorbjörnsdóttir, 19.5.2009 kl. 22:16]

Mikið er hún Stella yndisleg að blómstra fyrir þig. En ég er svo forvitin, af hverju heitir tréð Stella? Heita öll trén þín nöfnum? Mér finnst alveg frábært að "skíra" gróðurinn svona nöfnum, gera þetta aðeins persónulegra  Ég hef bara skírt blómabeðin mín, ætti kannski að skíra plönturnar líka.

Yndisleg hún Embla Sól sólskinsbarn  Flott að syngja fyrir ömmu. Sólarknús á ykkur

[Ragnhildur Jónsdóttir, 20.5.2009 kl. 00:05]

Já hún er yndisleg hún Stella mín En ástæðan fyrir því að hún heitir Stella er sú að latneska heiti tegundarinnar er "prunus avium Stella" kölluð "fuglakirsiber" svona upp á íslensku. Svo er trjáveran í því svo glæsileg og yndisleg að mér fannst hún þyrfti persónulegt nafn, þægilegra svona þegar ég spjalla við hana yfir morgunkaffinu

Já hún Embla mín sólargeislinn, hún syngur og segir sögur fyrir ömmu sín

Sólarknús á ykkur öll í Grindavíkinni

[Ásdís Sigurðardóttir, 21.5.2009 kl. 13:34]

Fallegar báðar og blómsta í garðinum þínum.  Kærleikskveðja til þín og þinna

[Brynja skordal, 24.5.2009 kl. 11:25]

Ætla aðeins að fara vera virk hér á blogginu yndislegar myndir

[Ragnhildur Jónsdóttir, 25.5.2009 kl. 09:57]

Það verður gaman að sjá þig hérna megin aftur Brynja

Ásdís kærleikskveðjur til þín og ykkar

[Ásthildur Cesil Þórðardóttir, 25.5.2009 kl. 11:58]

Flott kirsuberjatréð.  Og ekki síðri er hún Embla litla Sól með fallega brosið sitt.

[Ragnhildur Jónsdóttir, 25.5.2009 kl. 12:27]

Takk Ásthildur, já og kirsuberjatréð blómstraði loksins eftir alla óþolinmæðisbiðina í mér.   Embla mín yndislegasta Sólin, hún blómstrar og brosir alla daga