Jólakrúttuknúsur og jólaföndurgleði

Allt í einu yfirtók jólaaðventugleðin hjartað og vetrarkreppuóyndið hvarf. Nú get ég farið að raula jólalög, yfirskreyta heimilið, skrifa jólakort og pæla í jólagjöfunum

Fjölskyldan mín hefur alltaf Jólaföndur- og piparkökubakstursdag á fyrsta sunnudegi í aðventu. Við erum orðin á milli tuttugu og þrjátíu manns á milli tveggja ára og áttræðs.

Afinn að kenna Emblunni sinni handtökin

Listamennirnir niðursokknir í föndrið

Mín sjálf að föndra.

Systir mín og tvö af hennar barnabörnum.

Fullt hús af gleði og sköpunarorku, hamingju og fjölskyldusamheldnistilfinningu. Piparkökur eru bakaðar og föndrað jólaföndur af lífsins jólagleði. Jólatónlist, malt og appelsín, borða saman, baka og mála piparkökur, sauma og líma, spila á píanó, hlátur og grín, hveiti á brosandi andlitum, lím á fingrum og jólagleði í hjarta. Dásamlegt!

Í ár var kramarhús þemað, unnið úr pappír eða taui, límt eða saumað, blúndur eða perlur, jólapappír og límmiðar. Allt eftir getu, smekk og áhuga. Myndin sýnir hluta af afrakstrinum Gleðin og samveran er samt aðalatriðið og þetta er alltaf svoooooooo gaman.

Og þegar heim var komið beið fullt hús af krúttum. Þau stækka og flest búin að opna augun. Þvílík dásemdarkrútt

Alex með sín krútt ca 2 vikna eða rétt rúmlega. 

Embla Sól á þessa litlu fjölskyldu því Alex (Hennar hátign Lady Alexandra ;-) er þeirra kisa (maður skyldi nú ekki gleyma því sko...). En bæði Embla Sól og Alex leyfa okkur hinum sko alveg að skoða og knúsast með krúttin þeirra.

 Þessi krútthrúga eru börnin hennar Eddu, ca 12 daga gömul. Þessi brúnbröndótti er kominn með eiganda, við köllum litla krúttið núna Elínu eftir nýja eiganda sínum Hún kemur í heimsókn og fylgist með krúttinu sínu vaxa og dafna þangað til hún fær hann afhentan einhvern tíma eftir nýár.

Gleðilega aðventu elskurnar og munið að njóta hverrar stundar

 

Athugasemdir

[Ásdís Sigurðardóttir, 3.12.2008 kl. 13:25]

Yndisleg færsla og mikil gleði hjá ykkur  ég ætla að reyna að ná jólakassanum mínum út úr skápnum í dag, svolítið erfitt svona á hækjunum en það tekst.  Krútt kveðjur í fjörðinn.

[Sigrún Þorbjörnsdóttir, 3.12.2008 kl. 22:55]

Hvað er hægt að hafa það betra en í faðmi fjölskyldunnar. Þetta hefur verið yndislegur dagur hjá ykkur. Sniðugt að hafa svona venju. Kisukrúttin eru bara æðisleg og Embla ofurkrútt langflottust  

[Ragnhildur Jónsdóttir, 3.12.2008 kl. 23:56]

Þakka þér fyrir Ásdís, já það er alltaf mikil gleði þegar við hittumst fjölskyldan og gerum eitthvað skemmtilegt Vona að þér fari að líða betur elsku Ásdís mín. Knús og kveðjur til þín

Sigrún, já þetta var yndislegur dagur eins og alltaf. 

Í kvöld kom yndislegur bloggvinur minn, til okkar að velja kettling. Hann pantaði Bangsa Alexarson, þannig að nú eru fjórir kettlingar fráteknir! Aðeins 8 eftir ólofaðir Það er svo gott að vita af þessum krúttukisum fara á góð heimili

[María Anna P Kristjánsdóttir, 7.12.2008 kl. 12:20]

Skemmtilegur siður. Kær kveðja til ykkar allra og þá sérstaklega til Lárusar.

Kveðja   María

[Greta Björg Úlfsdóttir, 8.12.2008 kl. 12:05]

Manni hlýnar um hjartarætur að horfa á þessar fjölskyldumyndir, allir samtaka við undirbúning jólanna. Bestu kveðjur til þín.

[Ragnhildur Jónsdóttir, 8.12.2008 kl. 15:03]

María Anna, já þetta er alltaf svo gaman

Greta Björg,  föndurdagurinn er algjörlega ómissandi í jólaundirbúningnum

Við Lárus biðjum kærlega að heilsa ykkur báðum og öllum ykkar