Himnesk fegurð á jörðu :-)

Mikið yndislega getur snjórinn verið fallegur. Ég hef eiginlega verið í sæluvímu hérna yfir fegurðinni frá því ég vaknaði í myrkrinu í morgun, (tek það fram ég þarf ekki að keyra neitt langt í ófærð sko)

Ég skrapp í örgönguferð um leið og birti. Það þarf ekki að leita langt eftir fegurð Náttúrunnar

Hellisgerðið er svo fallegt allan ársins hring og endalaus uppspretta hugmynda fyrir myndir, skrif, leiki eða saumamynstur og svo er íbúar garðsins svo skemmtilegir líka.... 

Það liggur við að maður þurfi ekki að setja jólatré inn í stofu með þetta útsýni

Yndislegi nágranni minn hún Fríða bíður svo upp á þessa fegurð með dyggri aðstoð Náttúrunnar. 

Eftir fimm mínútur illa klædd í snjónum var gott að fara inn aftur og fá sér súkkulaðikaffi og piparkökur með karlinum sínum. Já, maður er lánsamur að búa í hlýju húsi með hlýju fólki og alla þessa fegurð rétt fyrir utan dyrnar

Lífið hreinlega dekrar við mann

 

Athugasemdir

[Ásdís Sigurðardóttir, 8.12.2008 kl. 16:09]

Yndislegar myndir, fegurðin er sko bara rétt utan við gluggann hér hjá mér, er búin að njóta útsýnisins og hlýja mér við gamlar minningar.  Hafðu það sem best kæra vinkona

[Bergþóra (IP-tala skráð) 9.12.2008 kl. 13:10]

Mikið eru þetta yndislegar myndir Ragga mín, og þá er nú myndasmiðurinn ekki síðri. Skammdegið er svo fallegt á svona stundum og allt svo tært og hreint. Knús og klemm í fallega fjörðinn.

[Ragnhildur Jónsdóttir, 9.12.2008 kl. 20:05]

Ásdís þakka þér fyrir, og það er einmitt svo yndislegt og nauðsynlegt að njóta alls hins besta sem unnt er. Hafðu það gott elsku Ásdís mín

Begga, þakka þér fyrir, æ þú ert svo yndisleg Svona fallegir dagar hreinlega bjarga sálartetrinu svona í miðju vetrarmyrkrinu. knús og kveðjur í fjörðinn þinn fagra

[Sigrún Þorbjörnsdóttir, 9.12.2008 kl. 22:40]

Yndislegar myndir. Svo satt að maður þarf ekki að fara langt til að sjá fegurðina. Ég hefði nú alveg viljað hafa snjóinn lengur, en það kemur vonandi meiri snjór fyrir jól. Knús á ykkur öll

[Ásthildur Cesil Þórðardóttir, 10.12.2008 kl. 09:35]

Takk elsku Ragnhildur mín fyrir þessar fallegu myndir.  Listamanns augun klikka ekki á fegurðinni.  Takk fyrir mig. 

[Ragnheiður Ása Ingvarsdóttir, 10.12.2008 kl. 09:36]

Það er nú ekki alltaf nóg að hafa fegurðina fyrir utan gluggann hjá sér, Ragga mín, maður verður að sjá hana og kunna að njóta.....

Yndislegar allar þessar myndir hjá þér, sama hvort er af náttúrunni, dýrum eða mannfólki.  

Og þessar myndir sem þú ert með í smíðum eru bara guðdómlegar!!!

Vona að þú og þínir haldið áfram að njóta þessa yndislega tíma.

[Bergljót Hreinsdóttir, 14.12.2008 kl. 13:44]

Ótrúlega fallegar, friðsælar og kyrrar myndir...

Maður fær næstum tár í augun þegar maður sér svona fegurð!

Knús á þig!

[Ragnhildur Jónsdóttir, 15.12.2008 kl. 20:16]

Þakka ykkur öllum fyrir falleg orð. Fegurðin er alltaf til staðar, það má bara ekki gleyma að opna augun fyrir henni.

Litlu kisurnar mínar eru hér um allt að leika sér, æfa sig og bara yfirleitt að vera krútt 12 stykki, hvert öðru fallegra. Ég set fljótlega inn fleiri myndir, hef aðeins verið upptekin..... eins og flestir aðrir á þessum tíma

Sjáumst elskurnar og hjartans þakkir fyrir innlitið