Krúttuknúsudúllur

Svona til að létta geðið og fá bros í sálina er gott ráð að skoða myndir af fallegum kisukrúttum allavega fyrir þá sem ekki eru með krúttin sjálf fyrir augunum. Við hérna á heimilinu erum svo lánsöm að geta knúsað þessi litlu krútt í tætlur og fylgst með mæðrum og börnum í sínu daglega amstri.

Þetta eru börnin hennar Eddu. Við erum ennþá alveg hugmyndalaus með nöfn á þau (bráðabirgðarnöfn því væntanlegir eigendur nefna þá auðvitað sínum nöfnum). Einhverjar hugmyndir?

Þessi er eiginlega alveg eins og Albus Dumbledore móðurbróðir. 

Þetta litla kríli sem "syngur" hátt og mikið er líka Eddudóttir eða sonur, það er eiginlega ekki nokkur leið að sjá það strax. Allavega er þessi litli söngfugl Krútt  Eddubarn

Svo er það Lady Alexandra á neðri hæðinni og hennar börn.

Ég tók þrjá af hennar fimm kettlingum og setti í sófann. Hinir sváfu svo fast að ég vildi ekki vekja þá. Þarna er Alex eða Lady Alexandra, Obama (sá dökki), Tígri á bakvið og Mýsla litla. Hún er lang minnst en rosa dugleg. Svo eru tveir stórir og miklir grábröndóttir, annar heitir Bangsi (sá stærsti) og hinn heitir Snati ...! já þau eru hugmyndarík á neðri hæðinni.

Tígri Alexöndruson (eða dóttir..)

Og að lokum ein mynd sem ég tók hérna á skrifborðinu mínu rétt áðan. Vala fylgist með mér allar stundir núna og hleypir mér ekki of langt frá. En hún er orðin svo sver að hún tekur hálft borðið hjá mér!

Ég var að reyna að ná umfanginu á henni en það virkar ekkert eins mikið á mynd. Ætli það sé satt að svart grenni....? Hún er samt ansi sver, finnst ykkur það ekki? En æ, hún er soddan knúsusnúlla

Og svo munum við að setja ljós í gluggann til að mótmæla myrkrinu sem var lagt yfir þjóðina okkar. Sýnum samstöðu okkar á milli og lýsum upp rétta vænlega leið heim, út úr þessum hremmingum sem við erum í.

 Ljós og friður til ykkar elskurnar

 

Athugasemdir

[gudni.is, 25.11.2008 kl. 20:13]

Yndislegt að fá að sjá þessar myndir hjá þér af þessum yndislegu krúttum. Ég kýki til þín einhvern daginn mjög fljótlega í skoðunarferð.

Þetta er ekkert smáveigisdýrasafn hjá þér á heimilinu þessa dagana. Ertu með tölu á því hvað það eru margir fætur á heimilinu..?

[Erla Dröfn (IP-tala skráð) 25.11.2008 kl. 20:15]

Yndislegir. allir með tölu. Það eru nú tveir svolitið líkir Mola bróðir :-)

Hann biður kærlega að heilsa öllum, ásamt auðvitað mér sjálfri ;-)

[Sigrún Þorbjörnsdóttir, 25.11.2008 kl. 21:11]

Þetta eru æðislega mikil krútt. Haha, jú ætli það sé ekki bara satt að svart grenni. Hún er algjör bolla hún Vala.  Eins gott að ekki þarf að reima skó á alla þessa fætur.

Ég er að reyna að muna hvernig formúlan er, þ.e. ef maður á fress og fær sér annan kött, á hann þá að vera fress eða læða (og þá er ég að tala um fress sem er búinn að tapa jólakúlunum) Ert þú ekki með þetta á hreinu? Kisukrúttkveðja frá Grindjánakrúttum  

[Ragnhildur Jónsdóttir, 26.11.2008 kl. 00:46]

Guðni, þetta er besta spurning sem ég hef fengið lengi! hahahaahah eins gott þau þurfa ekki öll skó!

Erla Dröfn, ég var einmitt að pæla í því að þeir minna mig á Mola. Svo sætir og mikil krútt svona grábröndóttir eins og Eddan mín

Ég held að ef að fress er ekki með "jólakúlur" þá skipti það ekki miklu máli. Hins vegar finnst mér sennilegra að tveir "jólakúlulausir" strákar væru góðir saman. Læðurnar eru svolítið eigingjarnar á sín heimili og vilja ráða ...  Svo fer það allt eftir karakterum auðvitað.  Skór Sigrún! á alla þessa fætur, ég grenjaði úr hlátri yfir ykkur systkinum!

Krúttkveðjur

[Ragnhildur Jónsdóttir, 26.11.2008 kl. 14:48]

12 fætur í viðbót! Vala gaut þremur hraustlegum og fallegum kettlingum, gæti verið í pásu og fleiri eigi eftir að koma en þau dorma öll vært og malandi núna. Einn er svartur og fékk strax nafni Jólakötturinn kallaður Jóli, einn er grá-svart bröndóttur og einn dökkgrár með hvíta sokka eins og Albus frændi. Dásamleg krútt! Og ég sem hélt hún væri með tíu eða ljónsunga eða eitthvað, svona er maður ýktur í hugsun myndir seinna.

[Sigrún Þorbjörnsdóttir, 26.11.2008 kl. 17:45]

Hmm.."læðurnar eru svolítið eigingjarnar á sín heimili og vilja ráða..." þetta er þá bara eins hjá kisunum og mannfólkinu...  Þetta er enginn smáræðis fjöldi af kisum hjá þér. Ég sé alveg fyrir mér þegar þeir verða allir farnir að ærslast og hlaupa um allt

[Ragnhildur Jónsdóttir, 26.11.2008 kl. 17:54]

ÓmæGod! Sigrún, heldurðu að það verði stuð?! hahahaha og allt jólaskrautið!  og nú þegar byrjað fjörið: þessi má ekki koma í þetta herbergi og annar ekki í hitt..... Ein læða með sín kríli á hverri hæð er eiginlega málið. Dúfa greyið er ekkert vinsæl þessa stundina en það lagast um leið og kettlingarnir fara að sjá og hreyfa sig almennilega. þá verður óhætt að hleypa hundasnúllunni nálægt annars veit ég að hún fer voða varlega en læðurnar eru ekki alveg vissar...

Þessar litlu mömmur eru algjörar krúttumömmufrekjudúllur

[Bullukolla, 27.11.2008 kl. 22:40]

Góð áminning um það hve lífið er yndislegt.  Þurfum ara að hafa augun opin.  Til hamingju með litlu fjölskylduna