RagJo.is

2.4.2008 | 23:17

Gamlir dagar og nýjir

Eftir erfiðan vetur, í skrokknum mínum, hef ég átt dásamlega hressar vikur undanfarið. Svo allt í einu hrinur allt aftur. Það er rok og rokið nær inn í og gegnum þennan undarlega samansetta líkama sem ég bý í. Eins og þessi mannslíkami er dásamlegur og getur boðið upp á svo margt. Maður getur fundið sólskinið á húðinni, gengið á fjöll, notið þess að horfa á fegurð lífsins með augunum, finna ilm af vorinu, klappa dýrunum sínum, snerta og tala við börnin sín og njóta þess að borða súkkulaði.... Joyful En þessi sami líkami bíður líka uppá annarskonar upplifun, verki, óþægindi, máttleysi, óstjórn, vonleysi,.... liggja í sófanum.

Það er rok í kvöld, bæði ytra og innra. En það eru alltaf tvær hliðar á lífinu. Rok gerir líka hreint, það feykir burt gömlum hugsunum, gömlum verkjum og gömlum tímum. Um leið og rokið er farið, kemur logn með pláss fyrir nýja tíma ... já og kannski nýja verki, en þeir eru þá allavega nýrri en hinir Wink

Nú er tími til kominn að leggja sig til morguns. Á morgun kemur nýr dagur, einum degi nær vorinu. Fyrir svefninn ætla ég að minna mig á hvað kalt rok og dimmt, getur verið fallegt á litinn. S.l. haust, byrjaði ég að sauma mynd af haustinu í Hellisgerði. Hún er hér, saumuð en óstrekkt og ekki alveg í fókus en kannski alveg nóg í bili Sideways

Það er gott að minna sig á að það er gaman á öllum árstímum, líka öllum "árstímum" innra með manni. Og þó það sé ekki alltaf bara gaman, þá er alltaf einhvern lærdóm að finna til að nýta seinna.

Góða nótt, sjáumst á nýjum degi Cool

Flokkur: Bloggar | Facebook

Athugasemdir

Góða nótt Ragnhildur mín, og vonandi nær skrokkurinn sér fljótt og vel á strik. það eru skyn og skúrir í okkar sálarlífi. Þú ert flott, og knús á þig inn í svefninn.

Ásthildur Cesil Þórðardóttir, 2.4.2008 kl. 23:21

Yndisleg mynd hjá þér. Vona að það hlýni fljótt svo okkar verkja skrokkar eigi betri daga framundan. Takk fyrir allar kveðjurnar og góða nótt elskan mín.

Ásdís Sigurðardóttir, 2.4.2008 kl. 23:27

Góða nótt elskurnar og kærar þakkir fyrir góðar kveðjur

Ragnhildur Jónsdóttir, 2.4.2008 kl. 23:51

Æj það er svo pirró þegar verkirnir eru í essinu sínu, ég dáist af bjartsýni þinni, það er ekki öllum gefið að sjá fegurðina, sem er eins og þú segir svo fallega út um allt, góða nótt og sofðu rótt, falleg myndin þín.

hofy sig, 2.4.2008 kl. 23:52

Góðan daginn Ragga mín, þetta er falleg mynd hjá þér. Það væri gaman aðkoma til þín einhver tímann í heimsókn og skoða allt það sem þú hefur saumað.

Eigðu góðan dag mín kæra.

Linda litla, 3.4.2008 kl. 08:22

Góðan daginn, þið eruð yndislegar stelpur, takk fyrir falleg orð. Þessi dagur byrjar nú fallega, hérna í Hafnarfirðinum allavega. Smá snjóföl til að fela óhreinindi vetrarins og fallegur fuglasöngur berst frá trjánum á milli húsanna. Þeir vita sem er fuglarnir, að vorið kemur fyrirrest.

Knús á ykkur og njótið dagsins

Ragnhildur Jónsdóttir, 3.4.2008 kl. 10:45

Ég sá strax að þetta er Hellisgerði. Þetta er mjög fallegt og væri gaman að sjá meira af þessu, sérstaklega á sýningu. Ég fór oft með skissubókina í Hellisgerði á unglingsárunum og ætla að setja eina skissu inná bloggið mitt á eftir.

Kristbergur O Pétursson, 4.4.2008 kl. 09:34

ég vona líka að þér gangi allt í haginn, þú ert amk með hugann á réttum stað myndin er mjög flott

halkatla, 4.4.2008 kl. 10:05

Þakka þér fyrir Kristbergur Hellisgerði er mér endalaus uppspretta hugmynda fyrir myndir, smá sögur og pælingar. Það er eitthvað svo sérstakt við þennan litla garð og svo bý ég náttúrulega þannig að Hellisgerði er stór hluti af útsýninu frá húsinu mínu ég ætla að kíkja á myndina á blogginu þínu.