Nýjar kettlingamyndir

Jæja, þá er komið að því að setja inn nýjar myndir af litlustu krúttustu krúsunum. Ég fékk lánaða myndavél og lánaða tölvu svo nú er ekkert að vanbúnaði

Í kjallaranum býr Engill með mömmu sinni henni Alex. Alex er höfuð kattaættarinnar á heimilinu og frekar stolt af því, er sannfærð um að hún sé af Egypsku kattagyðjukyni. Og Engill sonur hennar er sannfærður um að vera mesta kelirófa norðan Alpafjalla.

Ég hef nú ekki þorað að segja honum að í raun líti hann út fyrir að hafa dottið í kolabing (hvar sem hann hefði nú átt að nálgast svoleiðis á Íslandi, svona á þessari öld). En hann er algjör kelirófa og bangsakrútt. 

Alveg sama hvað allt mannfólkið á öllum aldri er ágætt í knúsinu, þá er nú mömmuknús albest.

Á efstu hæðinni býr Edda með sín fjögur fræknu.

Ég birtist þarna með myndavél og truflaði miðdegislúrinn. Ekki fallega gert náttúrulega en þau tóku því nú bara vel og forvitnin tók völdin.

Þau vildu sko vita hvað ég væri að gera þarna upp með myndavél og hvað ég ætlaði svo að gera við myndirnar og af hverju......... og svo framvegis. Eru þau krútt eða hvað?

 

 Ég set inn meira af myndum seinna, svona fyrir kisufrík eins og mig.

Athugasemdir

[Ásdís Sigurðardóttir, 7.1.2008 kl. 18:13]

Ég bara missi mig alveg, má ég koma og vera hjá þeim í nokkra dag?? plís.

Þvílíkir gullmolar vildi hafa þau öll hjá mér.  Knús    

[Ragnhildur Jónsdóttir, 7.1.2008 kl. 18:36]

Oh hvort þú mátt Ásdís, þau eru meira að segja í gestaherberginu

[Ingunn Jóna Gísladóttir, 7.1.2008 kl. 22:24]

Æðisleg krútt, ohhh hvað þú ert rík Það er verið að tala um Fjöryrkjahitting þegar Ásdís fer til doksa 15. janúar???? Kær kveðja Ingunn

[Guðrún Arna Möller (IP-tala skráð) 8.1.2008 kl. 01:07]

Sjá þessi litlu krúttubúnt!  Ji þeir eru æði

Var búin að nefna við manninn minn hvort við gætum tekið að okkur einn kettling.  Hann horfði á mig án þess að svara með orðum, en andlitið sagði:"er ekki í lagi með þig kona?"  Við erum á sitthvorri línunni hvað ketti varðar.  Ég átti tvo ketti þegar við kynntumst.....á þá ekki lengur.....Er í staðinn meðlimur í kattavinafélaginu hjá Kattholti.  Ég vona bara að þú fáir góð heimili fyrir þessi grey.

[Linda litla, 8.1.2008 kl. 16:57]

Þetta eru svo mikil krútt, þeir eru æðislegir. Mig langar í alla. ohhhhh...

[Jóna Á. Gísladóttir, 11.1.2008 kl. 00:15]

Ji minn góður. Made in heaven

[Ragnhildur Jónsdóttir, 11.1.2008 kl. 00:26]

Æ, já eru þau ekki mikil krútt. Og svo þurfum við að láta þau öll á ný heimili eftir einhverja daga, það er alltaf svolítið erfitt en nauðsynlegt. Þangað til fá þau þúsund knús á dag!

[Matthilda M. Eyvindsd Tórshamar, 12.1.2008 kl. 10:57]

Ég er svo mikil kisukona. Einhverntímann sagði ég (svo dóttir mín heyrði) að þegar ég verð gömul, ætla ég að vera brjálaða kisukonan í hverfinu. Hún er mjög dugleg að minna mig á það.

[Greta Björg Úlfsdóttir, 12.1.2008 kl. 14:01]

Þetta eru algjörar krúindúllur!

Ragnhildur mín, ég þakka þér innilega fyrir fallegu kveðjuna til okkar mömmu, vegna pabba.

[Greta Björg Úlfsdóttir, 12.1.2008 kl. 14:02]

KrúSindúllur!  (æ, mínir puttar! )

[María Anna P Kristjánsdóttir, 14.1.2008 kl. 11:10]

Algjörar dúllur.Þeir eru rosalega fallegir

Ég held að ég sé að komast aftur í bloggsstuð.

kveðja María

[Magnús Paul Korntop, 15.1.2008 kl. 23:04]

Gleðilegt ár Ragga mín.

Þvílíkarkisulórur þessir kettir þínir og þú ert MJÖG rík að vera með svona marga fallrga ketti.

Vonast til að hitta ykkur fjöryrkja fljótlega á árinu.

[halkatla, 16.1.2008 kl. 15:34]

þau eru ekkert smá æðisleg, þvílík fegurð! þú ert heppin að hafa svona marga kisa, Karítas þyrfti helst að komast í heimsókn til ykkar

[hofy sig, 17.1.2008 kl. 09:51]

Játs! Þvílíkir sætukoppar  Kisur eru svo endalaust yndislegar.