Burma rautt...

Til heiðurs og til áminningar, klæðist ég rauðu fyrir Burma/Myanmar, eins og margir aðrir. Náttúran virðist taka þátt í þessu með því að klæðast þessum lit líka bæði í laufum og berjum.

Mér datt í hug að taka inn hluta af þessum rauða lit...

og setja í gluggann hjá rauða blóminu og rauðklædda blómálfinum sem ég var búin að setja í gluggann í gær.

  Ég fer örugglega ekkert út í dag og sennilega sér þetta enginn í glugganum mínum, jafnvel sér þetta enginn heldur á blogginu en ég veit af því og hugsun mín og bænir verða kannski einbeittari á meðan.

 

Athugasemdir

[Sigrún Vala Valgeirsdóttir, 28.9.2007 kl. 15:49]

Jú Ragga, ég sá þetta á blogginu. Hvílík rauð fegurð. Margar góðar hugsanir geta gert krafaverk. Bæti einni í púkkið.

Kveða, þín gamla kunningjakona Sigrún V.

[María Anna P Kristjánsdóttir, 28.9.2007 kl. 16:09]

Flott hjá þér,enda er þetta gott málefni til að styðja.

[Katrín Snæhólm Baldursdóttir, 28.9.2007 kl. 16:12]

Æ hvað þetta er fallegt hjá þér...það skiptir ekki hversu mörg mannanna augu sjá rauða litinn okkar..samstaðan býr í hugum og hjörtum og bænir fyrir öðrum lýsa um allan himingeim. OG þó það sjái enginn litla saffran ljósið í eldhúsglugganum mínum þá logar það þar alla daga og minnir mig á hvers konar hugsanir ég vil senda frá mér og hvert.

Það er nóg.

[Hrönn Sigurðardóttir, 28.9.2007 kl. 23:11]

......ég sé þig.............

[Ragnhildur Jónsdóttir, 29.9.2007 kl. 00:50]

Takk kærlega stelpur fyrir að "sjá mig" og kvitta fyrir innlitið. Það er svo gaman að vita hverjir kíkja hérna við.

Þegar ég leit út um gluggana í dag og sá þessa mörgu rauðu tóna trjánna, dansa í vindinum, gerðist eitthvað innra með mér. Allt í einu var allt rautt, hvert sem ég leit: ber og lauf bæði á trjánum og fallin á jörðina. Svo fallegt og dásamlegur fuglasöngur heyrðist inn á milli. Ég nýtti mér þetta allt í jákvæðar hugsanir þeim til handa í Burma. Ekki veitir af að muna eftir þeim lengi enn, er ég hrædd um. 

En, takk fyrir falleg orð og við höldum allar áfram að senda hugsanir til þeirra í Burma.

[Fanney Björg Karlsdóttir, 29.9.2007 kl. 06:53]

..... það er akkurat það.... það er hugurinn sem skiptir máli.....falleg og hlýleg færsla...