Mig dreymdi...

... draum. Jóhanna Sigurðar var að spila tónlist fyrir þjóðina. Tónlistin var undurfögur og hafði mikil heilandi áhrif á alla þjóðina og rak burt illa anda og neikvæð áhrif.

Tónlistin var svo falleg, dásamlega ljúfur hörpuhljómur eins og englar væru að spila.

Svo vakna ég voða rólega og líður mjög vel eftir drauminn. Þetta hlýtur að boða gott hugsa ég með mér. En uppgötva þá að ég heyri tónlistina ennþá. Hljómarnir voru bara þó nokkuð ljúfir en ekki alveg eins magnaðir og í draumnum, en þeir komu úr stofunni.

Milli svefns og vöku átti ég alveg eins von á að mæta Jóhönnu Sig með englahljómsveit í stofunni og stóra hörpu en..... þetta var sjónin sem mætti mér:

Jóli litli !!! 

Ég margspurði Jóla án þess að fá nokkur svör:

Hver er þá meining draumsins?

Athugasemdir

[Jóna Júl (IP-tala skráð) 18.3.2009 kl. 17:00]

hahahahahha litli snillingurinn þinn.

[Sigrún Þorbjörnsdóttir, 18.3.2009 kl. 18:24]

Það hefur örugglega verið yndislegt að vakna við þetta. Jóli sniðugur  Vonandi táknar þetta að við munum sigrast á öllu með hjálp kærleikans!

Kærleikskveðjur

[Ásthildur Cesil Þórðardóttir, 18.3.2009 kl. 22:05]

Þarna er samspil milli manns og dýrs í sinni tærustu mynd Ragnhildur mín.  Svo sannarlega tel ég að Jóhanna sé að spila fallegt lag mitt í kreppunni og spillingunni.  Þá glóir þessi kona eins og gull, og er okkur öllum viðmið um hvernig stjórnmálamenn eiga að vera.