Hellisgerði

Um síðustu helgi fórum við afinn, ég og Emblan litla í Hellisgerði að leika okkur. Við fengum fylgd Dúfu, Albusar, Eddu og svo Lafði Alexöndru og Völu. En þær tvær síðastnefndu fóru heim þegar byrjaði að snjóa.... Magni varð eftir heima til að gæta Jóla litla

 

Þetta er sko gaman! Kisurnar fylgjast með í fjarska og hreyfa eyrun í takt við hlátrasköllin

Við gerðum náttúrulega engla í snjóinn

 

Albus töffari þurfti alltaf að hlaupa hátt upp í hæstu trén og horfa yfir okkur hin.

Það voru miklar pælingar í sambandi við frosið vatn og "blautt vatn", snjó og vatn sem frussast úr gosbrunni. Heilmikil eðlis og efnafræði bæði fyrir barn og hund

Þessi litli garður Hellisgerði er svo dýrmætur og bíður upp á svo mörg ævintýri, allan ársins hring. Bæði fyrir þá sem heimsækja garðinn og eins fyrir íbúa hans.  En það er eitt sem fer óendanlega í taugarnar á mér, fyrirgefiði ég bara verð að koma því að..

Álfafangelsið. Það er Bonsaigarður þarna inni í þessu fangelsi í tvo mánuði á ári, opið örfáa tíma á dag. Alla restina af árinu er þetta læst eins og fangelsi utan um álfafjölskyldur sem þarna búa.

  ... kannski ráð að hafa geiturnar "mínar" þarna ....

En nóg um það, við höfðum samt gaman í þessari ferð eins og alltaf Látum ekki svona ergelsi trufla okkur of mikið of lengi.

Þær hamingjusömu "systur" sáu til þess að halda brosunum á sínum stað Þær skelltu sér upp á svið og dönsuðu aðeins fyrir okkur og sungu snjósönginn. 

Albus fylgdist af athygli með tilburðunum á sviðinu.

en stökk síðan upp í næsta tré að ærslast með Eddu systur sinni

Það var vor í lofti, þrátt fyrir snjóinn. Daufur ilmur vorvonar undir niðri

Og svo þegar heim var komið þurfti að knúsas dáldið vel

Hópknús barns og hunds og bangsa og gleðihlátur

Athugasemdir

[Sigrún Þorbjörnsdóttir, 17.3.2009 kl. 14:48]

Það er æðislegt hjá ykkur að labba bara þrjú skref og koma inní þennan fallega ævintýragarð. Og gaman fyrir Emblu að geta haft heilan her dýra með sér í ævintýr   En ég spyr nú bara eins og bjáni, hvað er "Bonsiagarður"?

[Ragnhildur Jónsdóttir, 17.3.2009 kl. 15:09]

Já það er algjör lúxus að hafa svona garð við dyrnar hjá sér

Bonsaitré eru tré sem eru heft í uppvextinum og látin vaxa í pínulitlum leirkerjum og klippt til. (trjáverurnar þeirra verða líka alltaf litlar og heftar að vexti... ) þetta er forn Japanskur siður. Þessi tré, sem mörg hver eru falleg það vantar ekki, voru gefin Hafnarfjarðarbæ og eru sýnd þarna í tvo mánuði á ári og girt svona herfilega utan um. Passar engan veginn í Hellisgerði en mætti mér að meinalausu vera einhverstaðar annars staðar í bænum.

En Hellisgerði er samt sem áður dásamlegur staður ef maður reynir að líta framhjá þessu álfafangelsi  

[Sigrún Þorbjörnsdóttir, 17.3.2009 kl. 16:18]

Hmmm... ég skil ekki tilganginn með girðingunni. Á hún að vera til að vernda trén gegn átroðningi..? Allavega, ef svo er, þá finnst mér ekkert sérlega fallegt að hafa þetta víravirki í garðinum  

En alveg sammála því að maður lætur ekki einhverja smámuni eyðileggja gleðina hjá sér  Knús á ykkur

[Ragnhildur Jónsdóttir, 18.3.2009 kl. 14:33]

Leirpottarnir eru víst svo dýrir að fólki er ekki treystandi til að vera nálægt þeim... ég finn ég verð ótrúlega pirruð þegar ég hugsa um þessa girðingu...  en maður bara reynir að horfa í aðra átt eða hvort maður á að fara að æsa sig yfir þessu við bæjaryfirvöld, það er spurningin ...