Afi er kominn heim!

 

Nú er hann Lárus kominn heim til familíunnar tví- og ferfættrar og þvílík hamingja. Hér dönsuðu hundar og söng lítið barn og kisur laumuðu sér undir hendina til að fá klapp og lögðust í rúmið í hæfilegri fjarlægð til að fylgjast með. Við hin sem erum svo "dönnuð" brostum allan hringinn og gerum enn

Hann fær heimahjúkrun með lyf þrisvar á dag næstu vikuna og svo æfingar áfram. Þetta tekur einhverjar vikur en við höfum nægan tíma. Það er ekkert svo áríðandi að ekki getið beðið betri heilsu.  

 

Hér er svo ein af rósunum okkar í garðinum. Hún stóð, brosti sínu fegursta og nýtur dagsins. Ég náði svo nokkrum blómum inn í gær og setti í skálar og litla vasa. Hér ilmar því allt af mildum rósailm mmmmmm.....

 

Athugasemdir

[Sigrún Þorbjörnsdóttir, 29.8.2008 kl. 12:33]

Þó vel sé hugsað um mann á spítölunum okkar, þá er alltaf svo gott að komast heim í hreiðrið sitt. Hann á eftir að verða umvafinn kærleika ykkar allra, bæði tví og ferfætlinga. Það er ótrúlegt hvað dýrin skynja og þau geta líka hjálpað manni. Hef reynslu af því sjálf.

Enn og aftur, baráttukveðjur til ykkar.

[Ragnhildur Jónsdóttir, 29.8.2008 kl. 12:47]

Já Sigrún, það er vel hugsað um mann á spítalanum en manns eigin hreiður er sko allra allra best (og líka eins gott )Þú þekkir þetta allt saman vel, ég veit það elsku Sigrún. Þú ert mikil hetja með fallegt hjartalag

Knús og kveðjur, við sjáumst kannski einhvern daginn

[Linda litla, 29.8.2008 kl. 13:29]

Mikið er gott að heyra að Lárus er kominn heim og laus við heilahimnubólguna.

Það þarf enginn að hafa áhyggjur af honum í þínum höndum, þú yndislega Ragga mín.

Gangi ykkur allt vel

[Bergljót Hreinsdóttir, 29.8.2008 kl. 17:18]

[Ragnheiður Ása Ingvarsdóttir, 30.8.2008 kl. 14:18]

Gott að heyra góðar fréttir!

Hafið það alltaf sem best!

[Ásdís Sigurðardóttir, 31.8.2008 kl. 14:18]

Mikið er ég glöð að heyra þetta. Gangi ykkur allt í haginn og ég vona að Lárus þinn styrkist með degi hverjum, sendi áfram góða strauma.   rósin er yndisleg.

[Vinkona (IP-tala skráð) 31.8.2008 kl. 23:15]

já, Ragga mín. Hjá fólki eins og mér er Bifröst dásamleg áminning á hið stórkostlega í lífinu. Brúin milli mannheima og goðaheima, Bifröst, er opin núna,- og við njótum.  Og það skiptir engu hverju við trúum, - allir njóta góðs af því að elska heitt, trúa á styrk sinn og þeirra sem þeir elska, halda í vonina og gefast ekki upp. Kannski er það engin tilviljun, en það er mikil og dýrmæt gjöf sem þið hafið fengið. Við samgleðjumst ykkur svo innilega elsku fjölskylda!

[Ragnhildur Jónsdóttir, 1.9.2008 kl. 10:41]

Hjartans þakkir elskurnar

Við Lárus tökum þessu eins og öllu öðru og reynum að gera það besta úr stöðunni. Endurhæfing á eftir að taka langan tíma og mun þjálfa hjá okkur þolinmæðina en hvert skref í rétta átt er dýrmætt og við gleðjumst yfir því. Ekkert nema gleði og hamingja.

Heilabólgan er á undanhaldi og lyfin sem hann fékk björguðu lífi hans en við vitum eins og elsku vinkonan mín hér fyrir ofan, að bænirnar frá trúuðu fólki af ýmsum trúarbrögðum höfðu mikið að segja. Og jafnvel úrslitaáhrif á að ekki skyldu hafa orðið neinar skemmdir við þessi alvarlegu veikindi. Kærleikur og trú gefur von og ekkert í heiminum er kraftmeira en einmitt þetta þrennt. 

Knús og kveðjur til ykkar allra og kærar þakkir fyrir falleg orð og góðar bænir

[Greta Björg Úlfsdóttir, 2.9.2008 kl. 00:06]

Ragga mín, mér brá dálítið þegar ég kíkti á bloggið þitt núna og sá að hann Lárus hefði veikst svona alvarlega, ég hef ekkert verið að lesa bloggin undanfarið. En mikið er gott að hann er á batavegi.

Guð er sannarlega góður. Nútíma læknavísindi áorka miklu og bænir ekki síður, trúin og kærleikurinn, það er góð blanda. Bestu kveðjur til ykkar allra.

[María Anna P Kristjánsdóttir, 2.9.2008 kl. 09:53]

Ragga mín,ég tek undir með Grétu mér brá þegar ég sá að Lárus hefði veikst svona alvarlega,en það er gott að vita að hann er á batavegi og kominn heim,þar sem hann fær örugglega frábæra umönnun,kærar kveðjur til ykkar allra og sérstaklega til Lárusar.  Kveðja María

[Brynja skordal, 2.9.2008 kl. 15:12]

[Júlíus Garðar Júlíusson, 3.9.2008 kl. 13:27]

Til lukku með þetta, frábært að heyra og ég er viss um að allt gengur vel.

Kærleikskveðja að norðan.

[Ragnhildur Jónsdóttir, 4.9.2008 kl. 09:25]

Kærar þakkir fyrir fallegar kveðjur og góðan hug. Það er alltaf styrkur að finna góðar hugsanir og vináttu. Hér er allt í góðum gír, við förum í stuttar gönguferðir í Hellisgerði og fórum meira að segja í fjöruferð í gær! Mjög stutta en samt, veðrið er svo dásamlegt, það vinnur með okkur Svo kemst hann vonandi á Grensás í næstu viku í frekari endurhæfingu

Bestu kveðjur úr Hafnarfirðinum

[Matthilda M. Eyvindsd Tórshamar, 6.9.2008 kl. 11:21]

Gott að allt gengur vel.