Sólskin og fegurð í snjókomunni

Dásamlegt veður! oh ég elska svona veður, sérstaklega þegar ég þarf ekkert að fara út að keyra  

Ég tók nokkrar sólarmyndir áðan, fegurðin í og yfir Hellisgerði hafði áhrif á sálina, eins og ávalt. Þó að snjói og teppist færð, þá er gott að vita að ljósið á himnum fylgist með okkur.

 

Það eru dimm ský sem snjóar úr en fagurblár himinninn er ekki langt undan. Sólin skín glatt og stórar snjóflyksurnar eru eins og í ævintýraheimi og töfrum líkast verður jörðin öll hvít og hrein og dúnmjúk.

Það er vor í sálinni, tími byrjunar og nýrra framkvæmda. Það er birta og ylur í snjókomunni í dag, einhver loforð um nýja tíma. Allt hefur sína meðgöngu en vorið er komið í huga og sál, hugmyndir og framkvæmdaorkan mætt og þá fær ekkert stöðvað þessa konu

Athugasemdir

[Ásdís Sigurðardóttir, 28.2.2008 kl. 19:22]

Yndislegar myndir.  Oft hefur maður átt góðar stundir í Hellisgerði með börnin.  Kær kveðja til þín elsku Ragga.

[Ingunn Jóna Gísladóttir, 28.2.2008 kl. 20:58]

Æðislega myndir Ragga mín, eins og alltaf, ég öfunda þig á að komast í göngutúr með myndavélina, ég verð víst aðeins að bíða með það, en nýt myndanna þinna á meðanEigðu góðan dag, kær kveðja Ingunn

[Linda litla, 28.2.2008 kl. 22:14]

Það er bara búið að vera ekta jólaveður í dag.

[Ragnheiður Ása Ingvarsdóttir, 28.2.2008 kl. 23:59]

Yndislegar myndir, ekki hægt að hugsa sér neitt fallegra en nýfallin snjó og sólskin.  Allt svo hreint og bjart.  Annars er ég kannski dálítið skrítin, ég elska snjóinn alltaf en alveg sérstaklega í GÓÐU veðri

Vorkveðjur til þín 

[Ásthildur Cesil Þórðardóttir, 29.2.2008 kl. 09:59]

Frábærara myndir og jamm snjórinn er yndislegur. 

[Greta Björg Úlfsdóttir, 29.2.2008 kl. 12:48]

Takk fyrir þessar fallegu myndir, og líka fyrir þá með færslunni hér fyrir neðan. Sannkallaður gleðgjafi að horfa á þær, og minnir mann auðvitað líka á að fara út og horfa sjálfur!

Ég er nú farin að venjast snjónum, það var svo langt síðan maður hafði séð eitthvað af honum að það tók dálítinn tíma. Mér er ekki svo illa við snjó á meðan ég kemst ferða minna fyrir honum. Og í kyrru og góðu veðri getur verið mjög fallegt um að litast með hvíta snjóbrreiðuna yfir öllu. 

[Ragnhildur Jónsdóttir, 29.2.2008 kl. 19:53]

Já Ásdís, Hellisgerði er alveg yndislegur staður

Ingunn, á ég ekki bara að sækja þig einhvern daginn og við förum í bíltúr með myndavélarnar?

Linda, einmitt maður fær svona jólatilfinningu í hjartað

Ragnheiður Ása og Ásthildur Cesil, það er kannski eins gott að þið séuð báðar svona hrifnar af snjónum. Búandi á vestfjörðunum, það er sko alveg pottþétt að þið fáið miklu miklu meiri skammt af honum en við hérna á dekur suðvesturhorninu.

Greta, kletturinn á myndinni fyrir neðan er í garðinum mínum. Maður þarf að muna að sjá  

Takk allar saman fyrir falleg orð um myndirnar mínar