Frábærlega að verki staðið!!

Þetta var alveg magnað að hlusta á hjá lögreglunni. Og gaman að sjá hvað Ríkislögreglustjóri var stoltur af sínum mönnum enda má hann fyllilega vera það. 

Vel að verki staðið og gefur manni öryggi að vita til þess hversu magnaðir þeir eru í lögreglunni okkar. Það er greinilegt að öll þessi samvinna bæði innanlands og í Evrópu er að skipta miklu máli. 

klapp á bakið strákar!

Tugir kílóa af fíkniefnum í skútu í Fáskrúðsfjarðarhöfn

Athugasemdir

[Geiri (IP-tala skráð) 20.9.2007 kl. 17:02]

Furðulegt að fólk trúi því að þetta skili árangri... þetta er bara dropi í
hafinu.

"Tugir kílóa"... úúú á ég að skjálfa? Ég veit ekki betur en að ríkið sjálft
sé að flytja inn fíkniefni í tonnatali. Þessi barátta er sorgleg að öllu
leiti, hversu lengi ætlum við að herma eftir fíkniefnastríði kanans? Hvenær
ætlum við að hætta að mismuna fólki vegna neyslu og lífstíls?

[Ragnhildur Jónsdóttir, 20.9.2007 kl. 17:48]

Geiri, ég veit nú bara ekki hvort ég á að hlægja eða gráta yfir svona viðbrögðum. Þú hefur komið þér upp afar neikvæðum viðhorfum til lífsins. Ég vona að þú takir þig á og sjáir ljósið við og við. 

Bestu kveðjur og bros til þín

[Geiri (IP-tala skráð) 20.9.2007 kl. 18:08]

Það er ekki neikvætt að vilja leggja niður mismunun.

Takk samt fyrir kveðjurnar. 

[bjössi (IP-tala skráð) 20.9.2007 kl. 21:56]

Því miður hafa svona mál í rauninni ekkert að segja í undirheimunum.. Ef þetta mundi skila árangri væri ég mjög feginn. T.d. í þessu máli eru þeir búnir að eyða milljónum/milljörðum króna af skattborgunum í rannsókn á þessu máli, og mennirnir komnir í fangelsi. Hversu margir fíklar heldurðu að séu tilbúnir til að taka við þessum milljónum sem þessir kallar voru að græða fyrir sendingarnar ? Fullt, framboðið er mjög mikið vegna eftirspurnarinnar... Eftir því sem lögregluaðgerðirnar verða harðari verða undirheimarnir harðari. Það er staðreind.

[Ragnhildur Jónsdóttir, 20.9.2007 kl. 22:31]

Við getum samt bara alls ekki gefist upp. Það á alveg að vera hægt að fylgjast með því sem kemur inn í landið, þó að við getum aldrei vænst þess að allt náist. Það verður að halda áfram og gera betur í dag en í gær  

Svo þurfum við á sama tíma að vinna að því að gera samfélagið okkar mannvænlegra og betra svo enginn vilji vera í vímu og missa af allri dásemdinni   Það er lítið gaman að vera utan við allt það góða sem gerist í lífinu, hreinlega sofa af sér heilt líf Nei, vakna og vera með, njóta og eiga eins bjart og gott líf og hver og einn getur.

Ég veit að þetta hljómar draumórakennt en, ef við hættum að leyfa okkur að sjá bjart framundan, þá verður ekkert bjart framundan. ... Þannig að, lítum á ljósið og stefnum þangað ákveðnum jákvæðum skrefum