Vinátturefillinn á Fiskideginum Mikla!

Nú eru akkúrat tvær vikur í að við hengjum upp Vinátturefilinn í Ráðhúsinu á Dalvík. Þar ætlum við að sýna refilinn frá 10.-12. ágúst.

 Hluti af Vináttureflinum. "Að framanverðu er hver og einn einstakur en á bakvið tjöldin eru allir tengdir vináttuböndum"

Vinátturefillinn er alþjóðlegt vina og handavinnuverkefni. Nú þegar eru þáttakendur frá 25 löndum í fimm heimsálfum. Sjá nánar á heimasíðu Vinátturefilsins www.internet.is/friendshiptapestry það eru allir velkomnir að vera með í þessu verkefni, markmiðið er að ná til allra heimsálfa og sýna Vinátturefilinn sem víðast um heiminn. Nú þegar höfum við sýnt á Listahátíðinni Gullkistunni á Laugavatni 2005, Fargo, Norður Dakoda í Bandaríkjunum 2006 og nú munum við sýna á Fiskideginum Mikla á Dalvík 2007.   Og svo er alltaf opin sýningin á heimasíðunni!

Á heimasíðunni okkar eru myndir af hverjum handavinnubút (258 stykki!) og falleg vinaorð með mörgum þeirra. Svo er sagan í máli og myndum á íslensku og ensku.

Kíkið við á heimasíðunni og svo væri mjög gaman að heyra frá ykkur líka ef einhver hefur áhuga á að vera með eru leiðbeiningar á síðunni. Allar nánari upplýsingar fást hjá mér [e-mail]

 

Athugasemdir

[María Anna P Kristjánsdóttir, 27.7.2007 kl. 18:47]

Til hamingju,ég hef alltaf verid hrifin af thessari hugmynd,ég er búin ad fylgjast med thessu í gegnum Lárus.Kvedja María