Fullt tungl og meira um dásamlegu krúttin :-)

Síðast liðin helgi var svo dásamleg! orka hennar lifir áfram. Fullt tungl og mikil orka friðar og fegurðar.

Sameinað ákall hjartna og huga hinna mörgu skilar sér í sterkri friðar og verndaruppbyggingarorku.

Og þetta var bara byrjunin.....

En nú í skiljanlegri hluti Hér er mikið Líf og fjör á mörgum sviðum og hæðum hússins

 Þetta er sko stuðleikur!

Leikurinn fjallar um æfinguna "að verja húsið"...

Þau eru svo lítil og dásamleg krútt en finnst þau sjálf vera svo stór og ógurleg

Sumir horfa bara á, það þarf líka að hvíla sig vel á milli þegar maður er svona lítill

Það er líka svo margt að skoða og hugsa um. Svo óskaplega margt að læra í þessum heimi. 

Og þegar maður er kisi þarf maður líka að kunna að sitja bara og vera krútt...

Athugasemdir

[Ásdís Sigurðardóttir, 13.1.2009 kl. 20:39]

Almáttugur minn hvað þau eru yndisleg, missi mig alveg í risakrúttkast.  Veistu um bloggvinahittinginnn á A.Hansen á laugard. kl. 14.00??  vertu í bandi gegnum skilaboðin og láttu mig vita. Knús

[Ragnhildur Jónsdóttir, 14.1.2009 kl. 14:35]

Þau eru svo sannarlega yndisleg þessi litlu krútt   ég hef ekkert heyrt um þennan hitting. En það er stutt fyrir mig að fara á Hansen.

[Hanna (IP-tala skráð) 14.1.2009 kl. 21:45]

þeir eru hreint út sagt dásamlegir! innileg kveðja til Jóla... snöft!

[gudni.is, 15.1.2009 kl. 00:53]

Æðislegt að sjá þetta hjá þér Ragnhildur.

Magni litli Mafíukisi unir sér alveg yndislega vel hjá mér. Hann er alveg yndislega yndislega yndislega yndislegur!!! Algjört krútt og alveg frábær persónuleiki. Honum líður svo vel hérna og hefur í nægu að snúast við að leika sér. Og hann er svo ofboðslega góður og kelinn við mig. Hann lætur hreinlega eins og ég sé mamma hans

Samskiptin við Pútín eru reyndar ennþá mjög stirrð. Eru þó heldur að lagast. En Pútín greyjið er bara búinn að vera hálf fúll yfir þessari litlu "nýjung" á heimilinu. Og Pútín hefur því mjög mikið dvalist hjá fólkinu og kettinum á neðri hæðinni síðustu dagana bara svona í mótmælaskyni. En það mun nú vonandi lagast. Þeir slást ekki neitt en urra svona svolítið á hvorn annan og fara í störukeppnir!

Kær kisuknúskveðja á ykkur öll
Guðni

[Sigrún Þorbjörnsdóttir, 15.1.2009 kl. 10:36]

Þær eru bara æði þessar litlu krúttkisur. Ég gæti alveg setið allan daginn bara að fylgjast með Dorrit Engli. Hún er greinilega vön ýmsum handtökum hjá Emblu, því Eydís má alveg hnoðast með hana í hverju sem er, henni finnst það bara gaman  Knús á ykkur frá Grindjánum, tví, þrí og ferfættum

[Ragnhildur Jónsdóttir, 15.1.2009 kl. 11:03]

Kæru systkin Sigrún og Guðni, það er svo gaman að frétta af litlu krúttunum ykkar. Ég vona að eldri kisur á heimilunum ykkar fari að sætta sig við nýju fjölskyldumeðlimina, það tekur alltaf smá tíma. Það fór enn einn kettlingurinn á nýtt heimili í gær og annar valinn..... það fer bráðum að verða tómlegt hérna en það er frábært hvað gengur vel að koma þessum krúttum á góð heimili. Meira um það í næstu færslu.