Friður

Friður. Í hverju felst friður? Hvernig getum við komið á friði á jörðu? Er það yfirleitt hægt?

Það er allavega aldrei hægt að þröngva fram frið, hvorki með stríði eða hótunum. En það er hægt að ákveða að maður ætli að hafa frið. Það er þessi ákvörðun sem mestu máli skiptir og viljinn til að ná fram og viðhalda friði. 

Daginn sem herinn fór héðan birtist grein eftir mig í Mogganum um að setja upp Friðarháskóla á fyrrverandi hernaðarsvæðið. Umbreyta orkunni þar algjörlega í friðarorku. Greinin fékk engar undirtektir. En nú er allavega verið að setja þar upp háskóla og friðsamlegt samfélag. Ég vona að þeir í nýja háskólanum þarna suður frá setji upp Friðardeild. Að mínu viti þarf að rannsaka frið, skoða hvar og hvernig hægt er að halda frið. Hvað þarf til? Hvernig getum við viðhaldið friði? Og hvernig getum við hugsanlega hjálpað þeim sem ekki sjá friðinn sjálfir? Er það hægt? Við þurfum að æfa okkur, stöðug æfing er eina leiðin til að ná markmiðinu. 

Friður er val. Friður er ákvörðun

 

Athugasemdir

[Lárus Vilhjálmsson, 12.9.2007 kl. 10:57]

Miðað við alla herskólana um allan heim þá veitti ekki af einum eða fleiri friðarskólum