Náttúruparadísin Florida

Florida er bara yndislegur staður! Náttúrufegurðin er ólýsanleg og hinir fallegu sérstöku fuglar og tré, drekaflugur og skjaldbökur, krókódílar, höfrungar og sækýr.

Ég fékk ekki nóg af því að horfa á sólarljósið smeygja sér í gegnum lauf og nálar trjánna. Skemmtilegt hvað þeirra náttúruverur eru ólíkar okkar, við erum öll undir áhrifum frá okkar eigin umhverfi, ekki satt.

Ein flott drekafluga sem heilsaði upp á mig.  

Yndislegt?! ekkert smá. Ég vildi að ég gæti sett náttúruhljóðin með inn á bloggið.

Við sigldum eftir tveim ám sem mætast í bænum Dunnellon, ca 1 1/2 tíma norðvestur af Orlando. Skipstjórinn Jon Semmes (ekkert íslenskur samt) er alinn upp við árnar og þekkir þær eins og lófann á sér. Hann var algjörlega einstakur leiðsögumaður, ljúfur, fróður og skemmtilegur. Og svo tók hann upp gítar og söng þrjú lög fyrir okkur. Alveg meiriháttar!!

Mæli með bátsferð með "Singing River Tours" í Dunnellon, ef þið hyggið á ferð til Florida. 

Disney hvað?! þetta er "Real Florida"!.

Þetta er á Rainbow river, önnur af þessum tveim ám sem við sigldum um, hin heitir Whithlacoochee.  Það var svo margt að sjá og upplifa í þessum óspilltu náttúruperlum, þetta var algjörlega ógleymanleg  ferð.

 

Great white egret.

Anhinga (skarfategund), Indíánarnir töldu Anhinga heilagan fugl. Hann flýgur um loftin blá og syndir um djúpin, hann sameinar elementin og þar með táknar hann allan alheiminn.  

Uglan felur sig en fylgist vel með öllu.

 

 

Tekið af bátnum. Fegurð hinnar hreinu náttúru ánna tveggja, er svo ólýsanlega græn og falleg, nærandi og inspirerandi (sorry að ég sletti svona). 

 

Og ein mynd í lokin. Hér er ég uppdressuð á ættarmóti en rétt eins og hin börnin komin á kaf að leika mér.

 

Við Arnór hittum nefnilega svo skemmtilegan leikfélaga manatee (sækýr) sem vildi láta klappa sér á magann. Það munaði næstum engu að ég léti mig detta ofan í...

 

Athugasemdir

[Linda litla, 12.6.2008 kl. 00:56]

Æðislegar myndir sem þú hefur tekið, þetta hefur verið falleg ferð hjá þér. Takk fyrir mig.

[Svava frá Strandbergi , 12.6.2008 kl. 03:01]

Flottar myndir. Ég hef bara komið í Disneyland í Californíu. Þessar myndir minna mig á það.

[Ásthildur Cesil Þórðardóttir, 13.6.2008 kl. 01:34]

Svo sannarlega tilkomumikil náttúr, og birtan milli tránna yndisleg.  Þetta er aldeilis frábær færsla hjá þér Ragnhildur mín. Knús á þig inn í nóttina.

[Ragnheiður Ása Ingvarsdóttir, 13.6.2008 kl. 09:26]

Velkomin heim aftur Ragnhildur mín!

Þú ert nú dálítill indíáni í þér, alveg jafn heilluð af náttúrunni og lífshringnum og þeir....

Takk fyrir yndislegar myndir eins og alltaf!

[Ragnhildur Jónsdóttir, 13.6.2008 kl. 16:48]

Þakka ykkur fyrir stelpur hvað þið eruð jákvæðar og yndislegar.

Linda, já þetta var svo sannarlega falleg ferð. takk.

Guðný, takk.

Ásthildur, takk kærlega, já náttúran er svo dásamleg!

Ragnheiður, takk innilega. Indíáni ? já ég get ekki neitað því, þú ættir að sjá mokkasínurnar sem ég keypti mér ...  

[Ásthildur Cesil Þórðardóttir, 15.6.2008 kl. 14:21]

[Sigrún Þorbjörnsdóttir, 17.6.2008 kl. 21:33]

Fallegar myndir hjá þér Ragnhildur. Ólýsanlega fallegar náttúruperlur. Ég ætla að heimsækja Florida á næsta ári, kannski að ég eigi eftir að upplifa eitthvað af þessu   Knús til þín