Að rækta garðinn sinn með góðri aðstoð

Móðir Jörð og Himneskur Faðir

 

Það eru engar ýkjur að það er mikill dagamunur á gróðrinum. Ég fer út í garð nokkrum sinnum á dag til að spjalla við plönturnar og álfana þeirra. Við ræðum hvernig best er að haga sér við ræktunarstörfin. Sem betur fer á ég svo frábæra nágranna sem eru ekkert að kippa sér upp við skrítnu konuna sem talar meira við kisur, álfa og blóm en mannfólkið

 

Ég safna rósarunnum og á orðið einar 12 plöntur, hver annarri fallegri. Þetta er hengirós og var dásamlega falleg í fyrrasumar og ætlar greinilega að byrja vel núna. 

Kirsuberjatréð mitt, það fær sérstaklega mikið spjall frá mér. Ég bara get ekki beðið með að sjá hvort það blómstrar eins og "því er ætlað". Lofar allavega góðu, ekki satt? Sjáið þið köngulóarvefinn á efri greinum trésins? Köngulóin lofar að sjá um óæskilega gesti og fær í staðin góðan útsýnisstað í garðinum. 

Edda mín er mjög áhugasöm um vöxt og viðgang gróðursins í garðinum. Hún er líka í stöðugum samtölum við gróðurálfana.

Himnafaðirinn sendir okkur bæði sólargeisla og regn til að hjálpa Móður Jörð að rækta sín bros; blóm jarðar.

Er ekki vorLífið yndislegt

 

Athugasemdir

[Svava frá Strandbergi , 3.5.2008 kl. 21:14]

Gott átt þú að eiga þinn eiginn garð. Ég fékk leyfi hér í blokkinni til að setja niður tré, runna og búa til blómabeð fyrir nokkrum árum. Og garðurinn er orðinn fallegur, en nú er allt upp í loft yfir því að fólkið í blokkinni hefur áhyggjur af því að þurfa að hugsa um blómabeðin þegar ég flyt eða drepst.

Ég sagði að ég gæti sett það í erfðaskrána mína að rífa ætti allt upp með rótum ef ég dræpist hér í húsinu. Nú og ef ég myndi flytja tæki ég bara allt með mér.

[Ragnheiður Ása Ingvarsdóttir, 3.5.2008 kl. 23:49]

Garðar eru yndislegir með öllu sínu lífi!

Hér er vorið ekki almennilega komið enn, við erum alltaf 2-3 vikum á eftir ykkur þarna á suðurhorninu.

Verð að eiga heimboðið þitt inni til betri tíma, gaf mér eiginlega ekki tíma til neins annars en að vera amma.....  ;-)

Gleðilegt sumar!

[María Anna P Kristjánsdóttir, 5.5.2008 kl. 08:00]

Ég er ekki mikil garðmanneskja,enda er ekki með garð,en ég sé fegurð þeirra samt sem áður,og myndirnar þínar eru mjög fallegar,ég er vissum að það er gaman að tala við plönturnar og álfana,ég reyndar tala stundum við blómin mín.

[Júlíus Garðar Júlíusson, 5.5.2008 kl. 10:43]

Kæri bloggari.

Áskorun....Prikavika í bloggheimum .....nú gefum við prik dagsins alla þessa viku í bloggheimum. Þú finnur eitthvað jákvætt, einstaklinga eða hópa sem hafa staðið sig vel.....og þeir fá Prik dagsins
Kveðja Júl Júl.  P.s skoraðu á sem flesta að taka þátt

[Ásdís Sigurðardóttir, 5.5.2008 kl. 12:27]

Sæl Ragga mín, yndislegar myndir og kisa krúttlega við sprotann.  Það er alltaf jafn yndislegt að sjá lífið kvikna að vori.  Hafðu það sem allra best mín kæra.  Kveðja í Fjörðinn.