Flott myndlistar- og hönnunarsýning hjá FG

Við fórum á frábæra útskriftarsýningu listnema í Fjölbrautarskóla Garðabæjar. Sýningin stendur yfir frá föstudegi 1. maí til sunnudags 3. maí í Hönnunarsafninu við Garðatorg í Garðabæ.

 

Dóttir mín hún Sirrý Margrét og Smári kærasti hennar sýndu þessi verk: Sýnishorn af fullorðins teiknimyndasögu sem er í smíðum (á veggnum) og barnasaga á lokastigum vinnslu, í bók.

Sirrý og Smári með Emblu Sól dóttur sína. Embla elskar þessa ævintýrasögu um Ask og prinsessuna sem vonandi verður gefin út í sumar eða haust

Þessi sýning er mjög fjölbreytt og alveg frábær! Mikið eigum við af hæfileikaríku ungu fólki í dag sem vonandi fær að njóta sín og við að njóta hæfileika þeirra í framtíðinni.

Þarna sést í kennarann Stefán Jónsson, hann á hrós skilið fyrir greinilega góða kennslu með opnum huga og leyfir hverjum og einum að þróa sína leið.

Gleðin var allsráðandi eins og sést hér á andliti Sirrý Margrétar

Endilega skellið ykkur á sýninguna um helgina, opin 14 - 18. Gengið inn ofanvert við Garðatorg eða upp hringstigann frá torginu.

Athugasemdir

[Ásdís Sigurðardóttir, 2.5.2009 kl. 14:21]

Flott, gaman að sjá þetta.

[Helena (IP-tala skráð) 3.5.2009 kl. 12:19]

Til hamingju með dótturina, Flottir krakkar sem þú átt Ragga mín :o)

[Ásthildur Cesil Þórðardóttir, 4.5.2009 kl. 09:40]

Gaman að þessu.  Hlakka til að sjá bókina um Ask og prinsessuna.  Við lesum mikið fyrir okkar börn á kvöldin.  Flottir krakkar Ragnhildur mín til lukku með þau öll þrjú.

[Ragnhildur Jónsdóttir, 4.5.2009 kl. 10:30]

Takk kærlega allar saman. Já þetta var yndisleg helgi, alveg frábær sýning hjá þeim öllum. ég var náttla voða stolt af mínum

[Ragga (IP-tala skráð) 4.5.2009 kl. 14:40]

Æj æj, ég missti alveg af þessari sýningu, hefði alveg viljað kíkja en bara vissi eiginlega ekki af henni.

Hef sjálf sýnt í þessum sal með mínum gamla skóla í Garðabænum.

[Sigrún Þorbjörnsdóttir, 4.5.2009 kl. 22:20]

Til hamingju með krakkana og sýninguna. Það verður gaman að fá bókina gefna út. Þið eruð aldeilis duglegir listamenn  

[Ragnhildur Jónsdóttir, 5.5.2009 kl. 11:07]

Ragga, þetta var mjög flott sýning. Fjölbreytt og skemmtileg

Takk Sigrún, já þetta er spennandi með bókina, þetta eru náttla bara snillingar sko haha