Kisuhundaknús

Nú er kominn tími á smá kisuhundaknúsumyndir er það ekki?

Það var aldrei meiningin hjá mér að halda þessum kettlingi eftir úr síðasta goti en ómæGod, hann Magni litli Víkingakisi sá til þess að enginn á heimilinu gat látið hann frá sér. (og hvað munar svosem um einn í viðbót....?)

Þau eru óaðskiljanleg Magni og Dúfa, næstum jafngömul, verða eins árs í haust.

Þau hasast og gamnislást þannig að í fyrstu hélt maður í sér andanum af hræðslu yfir að einhver meiddi sig, stöðugt að "úa og æ passaðu þig...." en þau hafa kennt hvort öðru hvað má og hvað má ekki.

Ég vildi að ég gæti sett hljóð með, hann malar ekkert smá hátt þessi litli kisi!

 

Oh, þau eru bara krúttust finnst ykkur það ekki?

Og svo er hér ein mynd af okkur "mæðgum" algjörlega hamingjusamar í okkar rétta umhverfi, umvafðar vinum okkar í hlíðinni fögru.

Góða helgi og gangið hægt um gleðinnar dyr hvar sem þið verðið þessa fallegu gleðihelgi sem framundan er.  

 

Athugasemdir

[Ásdís Sigurðardóttir, 8.8.2008 kl. 12:35]

Almáttugur hvað þau eru yndisleg.  Takk fyrir og góða helgi kæra vinkona.

[gudni.is, 8.8.2008 kl. 13:40]

Mikið er gaman að sjá hvað þau eru yndisleg. Ég er ekkert smá hrifinn af honum Magna og hef verið það alveg síðan ég sá fyrst myndir af honum hérna hjá þér. Hann er greinilega mjög skemmtilegur köttur og auðvitað ofboðslega fallegur. Ég væri til í að skoða að taka að mér kött eins og Magna ef þú veist um einhverja góða ættingja hans eða annað sem vantar gott heimili.

Hann Sæcó minn dó í febrúar sl og ég sakna hans svo mikið. Hann var alveg yndislega mikill gaur og persónuleiki (http://www.gudni-is.blog.is/blog/gudni-is/entry/439883/ og http://www.gudni-is.blog.is/blog/gudni-is/entry/434804/).
Svo eignaðist ég annan kött í mars - Pútín (http://www.gudni-is.blog.is/blog/gudni-is/entry/463721/). Sá gæti vel þegið félaga inn á heimilið.

Kisukveðja,
Guðni

[Ragnhildur Jónsdóttir, 8.8.2008 kl. 13:59]

Elsku Ásdís, já þau snerta hjartað í manni þessi krútt. Góða helgi vinkona og hafðu það gott. 

Sæll Guðni, já þau eru sko yndisleg og eitthvað svo dásamlegt að sjá þau leika og knúsast saman. Það er svo sárt að missa dýrin sín, gamla tíkin mín dó í vor, ég hugsa til hennar með söknuði daglega. Ef hann Pútín þinn og þig vantar félaga þá getur vel verið að ég geti hjálpað til. Vala, móðursystir Magna er nefnilega farin að þykkna ansi mikið um sig miðja, eftir "hlýlegar" heimsóknir einhverja gæja úr hverfinu.... (say no more, sko...) viltu ekki fylgjast með og sjá hvort þeir voru að færa henni svona mikinn mat eða eitthvað annað ....    nú ætla ég að kíkja á kisufærslurnar þínar, bestu kveðjur og góða helgi

[gudni.is, 8.8.2008 kl. 14:30]

Já takk fyrir það Ragnhildur. Við Pútín fylgjumst með hvað gerist..

Góða helgi

[Sigrún Þorbjörnsdóttir, 8.8.2008 kl. 23:08]

Algjör krútt saman. Rétt hjá Magna að vera ekkert að láta senda sig að heiman  Hann er ekkert smá æðislegur kisi, skil vel að hann hafi brætt hjörtu ykkar.

Við stelpurnar þ.e. ég og litlu skvísurnar, erum að stefna að heimsókn í næstu viku, sennilega miðvikudag, ef það hentar?

[Sigrún Þorbjörnsdóttir, 8.8.2008 kl. 23:11]

P.s. ég get fullyrt það, að ef Guðni fær kisu frá þessari "feitu" frænku hans Magna, þá verður það algjör dekurrófa

[Bergljót Hreinsdóttir, 9.8.2008 kl. 11:36]

Ótrúlega krúttaðar myndir....

Gaman þegar dýrin njóta þess að hafa félagsskap hvert að öðru...þá er auðveldara að skilja þau eftir þegar maður fer í vinnu og svoleiðis....vitandi að þau eru eki ein

[Ragnhildur Jónsdóttir, 9.8.2008 kl. 23:20]

Guðni, við sjáum hvert þessi fita leiðir  

Já Sigrún, hann Magni litli vildi ekkert fara og ég gat bara ekki látið hann. Nú þarf ég að fylgjast extra vel með Völu Magnfrænku og sjá af hvaða ástæðum hún er að fitna ég myndi gjarnan vilja senda eitt krútt til Guðna bróður þíns
Miðvikudagur hljómar mjög vel hlakka til að sjá ykkur. 

Bergljót, já þau eru svo góðir vinir, það er aldrei neinn EINN heima, á þessu heimili

[gudni.is, 10.8.2008 kl. 18:15]

Bestu þakkir fyrir þetta Ragnhildur. Hún Sigrún systir mín veit manna best hvað kisurnar mínar hafa verið ofdekraðar. Hann Sæcó minn heitinn (sem var bróðir Simba þrífóts hennar Sigrúnar) er besti og yndislegasti lífsförunautur sem ég hef átt í mínu lífi. Ég eignaðist hann sem tveggja mánaða gamlan kettling og við bjuggum saman í tæplega sex yndisleg ár. Hann var alveg frábær félagi og mikill persónuleiki. Við vorum svo nátengdir í einu og öllu. Sæcó var líka svo sérstakur með það að hann gat "talað" við mann. Hann gat gefið frá sér mjög skrýtin og undarleg hljóð (svona hálfgerð krúnk). Ég vissi alltaf hvað hann var að segja þegar hann kom til mín og krúnkaði á ákveðin hátt. Þá þýddi það t.d. "hleyptu mér út um framdyrnar", "vatnið mitt er búið", "kattalúgan er læst" eða "ég vill fá meiri harðfisk"....! Hans skarð verður seint fyllt.

Við skoðum málin þegar í ljós kemur hverjar orsakir fitnunar Völu eru...

Kisuknúskveðja, Guðni

[Matthilda M. Eyvindsd Tórshamar, 10.8.2008 kl. 23:44]

Yndislegar myndir af dýrunum, hver segir svo að kettir og hundar geti ekki verið vinir? Þegar ég var smástelpa, áttum við kisu og hund sem voru betu vinir, ég man reyndar ekki mikið eftir þeim, enda bara 3 ára, en ein minningin er að þau voru að leika sér og kisi (Mjaldur) stökk upp á bakið á hægindastól. Blessuð dýrin gefa okkur svo miklu meira en við getum nokkurn tímann gefið til baka.

[Linda litla, 11.8.2008 kl. 00:07]

Þvílíku krúttin...

[Svava frá Strandbergi , 11.8.2008 kl. 07:42]

Yndislegar myndir.

[Ragnheiður Ása Ingvarsdóttir, 12.8.2008 kl. 09:26]

Yndislegar myndirnar þínar eins og alltaf.

Hafðu það gott, mín kæra.

[Ásthildur Cesil Þórðardóttir, 12.8.2008 kl. 12:02]

Þau eru algjört æði þessi tvö.  Og flott síðasta myndin af ykkur.  Takk Ragnhildur mín fyrir að lofa okkur að njóta þeirra.

[Fiðrildi, 12.8.2008 kl. 20:59]

mmmm hvað þau eru sæt   Kötturinn minn kyssir hundinn á hverjum morgni.  Það gætu eflaust margir lært af samskiptum dýranna við hvert annað.

[Ragnhildur Jónsdóttir, 13.8.2008 kl. 10:07]

Guðni, einmitt þessir yndislegu litlu vinir manns með stóra karaktera. Kannast vel við þetta: "ég vil fá meiri harðfisk...!" haha

Já Linda þetta eru krútt

Takk Guðný

Þakka þér Ragnheiður, hafðu það gott í ritgerðarsmíðinni

Takk kærlega Ásthildur

Arna, svona samskipti á milli dýrategunda eru eitthvað svo hjartnæm. Svona "öll dýrin í skóginum eru vinir -" tilfinning

[Svava frá Strandbergi , 17.8.2008 kl. 17:45]

Takk fyrir þessar myndir. Þær komu mér til að brosa og gleðjast.

[gudni.is, 17.8.2008 kl. 23:44]

Þau eru alveg ólýsanlega yndisleg saman þau Dúfa og Magni. Ég bráðna alveg í spað í hvert sinn sem ég skoða þessar myndir. Hann Magni er alveg búinn að heilla mig til tunglsins þó ég hafi aldrei hitt hann nema hérna á blogginu þínu!

Kisuknúskveðja,, GUðni